حالىق ءارتىسى, مەملەكەتتىك سىيلىقتىڭ لاۋرەاتى, پروفەسسور شاحيماردان ءابىلوۆ 75 جاسقا تولدى. ونەر يەسىنىڭ مەرەيتويىنا وراي پاۆلوداردا «شاحيماردان اباي شىڭىندا» اتتى جيناقتىڭ تۇساۋى كەسىلىپ, س.تورايعىروۆ ۋنيۆەرسيتەتىندەگى مادەني ءىس-شارالار وتەتىن زالعا ءانشىنىڭ ەسىمى بەرىلدى.
شاحيماردان قايدار ۇلىن وتانداستارىمىز قايتالانباس داۋىس يەسى عانا ەمەس, ۇلى ابايدىڭ ناسيحاتتاۋشىسى رەتىندە دە جاقسى تانيدى. اباي شىعارماشىلىعىن, ونىڭ ىشىندە قارا سوزدەرى مەن اندەرىنىڭ فيلوسوفياسىن حالىقارالىق ساحنالاردا مۋزىكا ارقىلى تەرەڭدەتە جەتكىزە بىلگەن بىردەن-ءبىر وپەرا ءانشىسى. ول تەك وپەرا ءانشىسى عانا ەمەس, تانىم كوكجيەگى كەڭ, كوركەم ويلاۋدىڭ شىڭىنا شىققان بىرەگەي ونەر يەسى, ابايشا ويلانىپ, اۋەزوۆشە تولعانا العان جان.
جيناق – ءبىر ادامنىڭ ءومىر جولى عانا ەمەس, تۇتاس ءبىر ءداۋىردىڭ مادەني تىنىسىنىڭ ايناسى. كىتاپتا تۇلعانىڭ شىعارماشىلىعىنان بولەك, ءانشى تۋرالى جازىلعان ماقالالار مەن زەرتتەۋلەر دە توپتاستىرىلعان.
– كەزىندە عۇلاما جازۋشى مۇحتار اۋەزوۆ: «سىمباتتى ونەر بولماعان ەلدە ماعىنالى تىرشىلىك جوق. قانداي قاۋىمدى, قانداي تاپتى الساق تا قانى مەن جانىنىڭ ايناسىن ونەرگە تۇسىرمەي تۇرا المايدى. ونەردەن قۋات الماسا تىرشىلىكتىڭ شامى سونگەنى», دەگەن ەكەن. سوندىقتان ونەردەن اسقان ۇلىلىق جوق. ال بۇل ەڭبەك حالىقتىڭ ارقاسىندا كەلگەن دۇنيە, – دەيدى مەرەيتوي يەسى.
پاۆلودار