2025 جىلدىڭ 6 مامىرىندا اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ۇلى جەڭىستىڭ 80 جىلدىعىنا ارنالعان «ەرلىككە تاعزىم» ەسكەرتكىش بەلگىسىنىڭ سالتاناتتى اشىلۋ ءراسىمى ءوتتى, دەپ حابارلايدى Egemen.kz.
كوركەمدىك كومپوزيتسيا كەڭەس وداعىنىڭ باتىرلارى - مالىك عابدۋللين, لەسبەك جولداسوۆ, قاناش قامزين, قۇدايبەرگەن سۇراعانوۆ, راحىمجان توقاتاەۆ, احمەديار قۇسايىنوۆ, ءسادۋ شاكىروۆ, ەۆگەني برەۋسوۆ, جولدىباي نۇرلىباەۆ جانە سوعىسقا اتتانعان 114 قازپي (قازىرگى - اباي اتىنداعى قازۇپۋ) ستۋدەنتى مەن وقىتۋشىسىنىڭ رۋحىنا دەگەن تاعزىم بەلگىسى رەتىندە ورناتىلدى.
ەسكەرتكىشتىڭ اشىلۋى – ەرلىكتىڭ ماڭگىلىك ەكەنىن ۇلىقتاپ, باتىرلاردىڭ ەسىمىن جاس ۇرپاق جادىنا ءسىڭىرۋ ماقساتىندا ۇيىمداستىرىلدى.
ءىس-شاراعا ۋنيۆەرسيتەت رەكتورى بولات تىلەپ, الماتى قالاسى جاستار ساياساتى باسقارماسى باسشىسىنىڭ ورىنباسارى الماز كەڭەسباي, ۋنيۆەرسيتەت باسشىلىعى, وقىتۋشىلار, ارداگەر ۇستازدار, كەڭەس وداعىنىڭ باتىرلارىنىڭ ۇرپاقتارى جانە ءبىلىم الۋشى جاستار قاتىستى.
«بۇگىنگە دەيىن ۋنيۆەرسيتەتتەن مايدانعا اتتانعان 8 كەڭەس وداعىنىڭ باتىرى بەلگىلى بولسا, تاريحشى عالىمدارىمىزدىڭ مۇقيات زەرتتەۋ جۇمىستارى ناتيجەسىندە توعىزىنشى باتىردىڭ دا وسى وقۋ ورداسىنان شىققانى انىقتالدى. وسى ورايدا تۇلەكتەردىڭ قولداۋىمەن بەلگى تاس ورناتىلىپ وتىر. بۇل – مايدانعا اتتانعان ۇستازدار مەن ستۋدەنتتەردىڭ ەرلىگىنە دەگەن تاعزىم», – دەدى سالتاناتتى سوزىندە رەكتور بولات تىلەپ.
ءىس-شارا سوڭى «ەرلىككە تاعزىم» اتتى كونتسەرتتىك باعدارلاماعا ۇلاستى.
ايتا كەتەيىك, ەسكەرتكىش بەلگى اباي ۋنيۆەرسيتەتىنىڭ تۇلەگى راقىمبەردى جەتىبايدىڭ دەمەۋشىلىگىمەن قويىلسا, شارانى ۇيىمداستىرۋعا ۋنيۆەرسيتەتتىڭ الەۋمەتتىك جانە جاستار ساياساتى جونىندەگى دەپارتامەنتى مۇرىندىق بولدى.