سپورتشىلاردىڭ وتكەن اپتاداعى جەتىستىكتەرى

اۋەسقوي بوكس: يوردانيادا 15-17-گە دەيىنگىلەر اراسىنداعى ازيا باسەكەسىندە قازاقستان قۇراماسى بوكسشىلارى 16 التىن, 15 كۇمىس, 13 قولا جۇلدە ەنشىلەدى.

ءجۇزۋ: افينادا (گرەكيا) Acropolis Swim Open 2025 جارىسىندا قازاقستان قۇراماسى جالپىكوماندالىق ەسەپتە 3 التىن, 3 كۇمىس, 2 قولا مەدالمەن 2-ورىن بيىگىنەن كورىندى.

دزيۋدو: ءابيبا ابۋجاقىنوۆا تاجىكستاننىڭ دۋشانبە قالاسىندا Grand Slam تۋرنيرىندە قولا جۇلدە جەڭىپ الدى.

تاەكۆوندو: قىتايدىڭ ۋسي قالاسىندا كلۋبتار اراسىنداعى 13-ءشى ازيا چەمپيوناتىندا قازاقستان كومانداسى 2 التىن, 1 كۇمىس, 4 قولا مەدالعا قول جەتكىزدى.

ات سپورتى: تاشكەنتتە كونكۋردان وتكەن Maxima Masters ەۋرازيا ءتۋرنيرىنىڭ كوماندالىق سەرياسى مەن الەم كۋبوگى كەزەڭدەرىندە وتاندىق سپورتشىلار 6 كۇمىس پەن 5 قولا مەدال يەلەندى.

اۋىر اتلەتيكا: پەرۋ استاناسى ليمادا ءوتىپ جاتقان جاسوسپىرىمدەر اراسىنداعى اۋىر اتلەتيكادان الەم چەمپيوناتىندا قازاقستان سپورتشىلارى ازىرگە 2 التىن مەدال جەڭىپ الدى.

تەننيس: يسپانيانىڭ باس شاھارى مادريدتە ITF W100 تۋرنيرىندەگى جۇپتىق سىندا جىبەك قۇلامباەۆا ۇزدىك شىقتى. فينالدا قۇلامباەۆا مەن ۋەرگو يسپانيالىق مارينا باسسولس پەن اندرەا لاسارو گارسيانى جەڭدى. بۇل –قۇلامباەۆا مەن ۋەرگونىڭ بىرگە جەڭىپ العان بەسىنشى تيتۋلى ەكەن.