جۇمىسشى ماماندىقتار جىلى اياسىندا «Smart» ورتالىعىندا وتكەن ءىس-شارا بارىسىندا مەكتەپ وقۋشىلارى مەن كوللەدج ستۋدەنتتەرى وڭىردەگى «Allur», «KIA», «اگروماش» جانە «KamLiT» ءتارىزدى جەتەكشى كاسىپورىنداردىڭ باسشىلارىمەن كەزدەستى, دەپ حابارلايدى Egemen.kz.
فورۋمدا قازىرگى تاڭدا جەرگىلىكتى كاسىپورىندارعا قانداي ماماندىقتار كەرەك ەكەنى ايتىلىپ, جاستارعا كاسىىبي باعىت-باعدار بەرىلدى.
«جۇمىسشى ماماندىقتارىنىڭ جىلى اياسىندا وتكىزىلىپ وتىرعان بۇل فورۋم – جاستارعا ناقتى كاسىپتى تاڭداۋعا شابىت بەرەتىن ماڭىزدى الاڭ. ءبىزدىڭ ورتالىق جول ساپاسىن باقىلاۋ ارقىلى عانا ەمەس, سونداي-اق بولاشاق مامانداردى دايارلاۋ ىسىندە دە بەلسەندىلىك تانىتىپ كەلەدى. مۇنداي ءىس-شارالار جاستاردىڭ ەڭبەككە دەگەن قۇرمەتىن ارتتىرىپ, ەل بولاشاعىنا سەنىمدى قادام جاساۋعا ىقپال ەتەدى», دەيدى «جول اكتيۆتەرى ساپاسىنىڭ ۇلتتىق ورتالىعى» رمك قوستاناي وبلىستىق فيليالىنىڭ ديرەكتورى ابىلايحان ەربول ۇلى الشىنباەۆ.
قوستاناي وبلىسى