ءىىم ۇلتتىق ۇلانى اكادەمياسىنىڭ كۋرسانتى اسقار جالەلوۆتىڭ وتباسى ۇزاق جىلداردان بەرى اسكەري قىزمەت اتقارىپ كەلەدى, دەپ جازادى Egemen.kz.
ارعى اتاسى – توكەش وتەعالي ەكىنشى دۇنيەجۇزىلىك سوعىسقا قاتىسسا, اتاسى – جالەل توكەشوۆ سامارقان قالاسىندا راديوبايلانىس سالاسىندا قىزمەت ەتكەن, ال, اكەسى – كەنجەبەك توكەشوۆ ۇلتتىق ۇلان قاتارىندا پولكوۆنيك شەنىندە قىزمەت ەتەدى. بالا كۇنىنەن وتان قورعاۋ ىسىنە قۇشتار بولعان ول اسكەري سالاداعى راديوبايلانىس مامانى رەتىندە ءبىلىم الىپ جاتىر. وسىلايشا, سالاداعى قىزمەت 4 اتاعا جالعاسىپ, ءبىر اۋلەت اسكەري ديناستياعا اينالعان.
ۇلتتىق ۇلاننىڭ ءباسپاسوز قىزمەتىنىڭ مالىمدەۋىنشە اسقار جالەلوۆ – ۇزدىك كۋرسانت. قازىرگى ۋاقىتتا ول ىشكى ىستەر ورگاندارىنىڭ بايلانىس جۇيەسىنە جاساندى ينتەللەكتىنى ەنگىزۋ بويىنشا يننوۆاتسيالىق جوبا دايىنداپ جاتىر.
«مۇنىڭ ءبىر ارتىقشىلىعى – ادام فاكتورىن بولدىرمايدى. جوبادا ءجۇز پايىزعا دەيىن بەت-الپەتتى تانۋ فۋنكتسياسىن قامتاماسىز ەتۋ جوسپارلانعان. بۇل جۇيە ۇلتتىق ۇلانعا ەنگىزىلگەن Hytalkpro كەشەنى ارقىلى ۇيىمداستىرىلادى», دەيدى كۋرسانت ا.جالەلوۆ.
قازىرگى ۋاقىتتا اكادەميادا 700-گە جۋىق كۋرسانت ءبىلىم الادى ەكەن, اراسىندا تاجىكستاننان كەلىپ وقىپ جاتقاندار دا بار.