ەلىمىزدە اسكەري-كولىكتىك اۆياتسياسىن ازاماتتىق جانە كوممەرتسيالىق جۇك تاسىمالىندا پايدالانۋعا رۇقسات بەرەتىن زاڭ جوباسى ۇسىنىلدى. بۇل قۇجاتتى قر قورعانىس مينيسترلىگى ازىرلەدى. جوبا اياسىندا بىرقاتار زاڭنامالىق اكتىلەرگە وزگەرىستەر ەنگىزۋ قاراستىرىلعان, دەپ حابارلايدى Egemen.kz.
زاڭ جوباسى مەملەكەتتىك (ونىڭ ىشىندە اسكەري) اۆياتسيانىڭ تەك مەملەكەتتىك ەمەس, جەكە تاپسىرىس بەرۋشىلەرگە دە جۇك تاسىمالداۋ قىزمەتىن كورسەتۋىنە مۇمكىندىك بەرەدى. مۇنداي تاجىريبە ۇلىبريتانيا, گەرمانيا, تۇركيا, ەگيپەت, رەسەي, بەلارۋس جانە وڭتۇستىك كورەيا سەكىلدى ەلدەردە بار جانە بۇل ICAO (حالىقارالىق ازاماتتىق اۆياتسيا ۇيىمى) ستاندارتتارىنا سايكەس كەلەدى.
اسكەري قۇرىلىمدارعا وزدەرىنىڭ نەگىزگى قىزمەتىنە كەدەرگى كەلتىرمەگەن جاعدايدا اقىلى نەگىزدە تاسىمالداۋ قىزمەتىن كورسەتۋگە رۇقسات بەرىلەدى. تاسىمالداۋ كوممەرتسيالىق نەگىزدە نەمەسە جاتتىعۋ ۇشۋلارى كەزىندە ىلەسپە باعىتتار ارقىلى جۇزەگە اسىرىلۋى مۇمكىن.
كۇتىلەتىن ارتىقشىلىقتار:
اۋە تەحنيكاسىن ۇستاۋ مەن جوندەۋگە كەتەتىن شىعىنداردىڭ ءبىر بولىگىن جابۋ; مەملەكەتتىك بيۋدجەتكە قوسىمشا كىرىس ءتۇسۋى; مەملەكەتتىك شىعىنداردىڭ ازايۋى; الىس ايماقتاردىڭ لوگيستيكاسىن جاقسارتۋ; تاسىمالعا تارتىلعان اسكەري قىزمەتكەرلەردى ىنتالاندىرۋ.قاۋىپتەر مەن تاۋەكەلدەر:
جەكە قۇرامعا تۇسەتىن جۇكتەمەنىڭ ارتۋى; قوسىمشا ساقتاندىرۋ شىعىندارى; ازاماتتىق اۆياكومپانيالارمەن باسەكەلەستىك شەكتەۋلى بولۋى مۇمكىن; مەملەكەتتىك مىندەتتەرگە باسىمدىق ساقتالادى.ۆەدومستۆونىڭ مالىمەتىنشە, 2028 جىلعا قاراي مەملەكەتتىك اۆياتسيا ارقىلى جۇك تاسىمالى كولەمى 12,1%-عا, ال 2030 جىلعا قاراي 24,2%-عا ارتادى. سونىمەن قاتار, اسكەري اۆياتسيانى دامىتۋعا سالىناتىن ينۆەستيتسيالار 2028 جىلعا دەيىن 100%-عا, ال 2030 جىلعا دەيىن 120%-عا ءوسۋى مۇمكىن.
قازىرگى تاڭدا قازاقستان قارۋلى كۇشتەرى 15 اسكەري-كولىك ۇشاعىن پايدالانىپ وتىر. ولاردى ۇستاۋ مەن جوندەۋگە جىل سايىن شامامەن 7 ملرد تەڭگە بولىنەدى, الايدا بۇل قارجى تەحنيكانى ۋاقتىلى جاڭارتۋعا جەتكىلىكسىز.