ۇكىمەت جەرگىلىكتى اتقارۋشى ورگانداردىڭ بازالىق قۇرىلىمىنا بالالاردىڭ قۇقىقتارىن قورعاۋ جونىندەگى باسقارمالار مەن بولىمدەردى ەنگىزۋ تۋرالى شەشىم قولدادى. بۇل تۋرالى وقۋ-اعارتۋ مينيسترلىگى حابارلادى, دەپ جازادى Egemen.kz.
قورعانشىلىق ورگاندارى جەرگىلىكتى اتقارۋشى ورگانداردىڭ قولدانىستاعى شتاتتىق شەگى اياسىندا قۇرىلادى. بەلگىلەنگەن نورماتيۆكە سايكەس, ءاربىر 5 مىڭ بالاعا كەمىندە ءبىر مامان تاعايىندالادى.
«بۇل باستاما ارقىلى بالالاردىڭ تولىققاندى قامقورلىقتا بولۋىن قامتاماسىز ەتۋگە باعىتتالعان جۇيە نەگىزىن قۇرۋ كوزدەلۋدە. وسى رەتتە وقۋ-اعارتۋ مينيسترلىگى قورعانشىلىق ورگاندارىنىڭ ماماندارىنا ارنالعان وقىتۋ ترەنينگتەرىن ۇيىمداستىرىپ جاتىر», دەلىنگەن مينيسترلىك حابارلاماسىندا.