باس پروكۋراتۋرانىڭ تاپسىرماسى بويىنشا «اقتوبە» فۋتبول كلۋبىنىڭ قىزمەتى تەكسەرىلگەن. باس پروكۋراتۋرانىڭ ءباسپاسوز قىزمەتى تەكسەرۋ بارىسىندا 250 ملن تەڭگەگە قارجىلىق بۇزۋشىلىقتار انىقتالعانىن حابارلادى, دەپ جازادى Egemen.kz.
قارجى جىمقىرۋ ارەكەتتەرى ويىنشىلاردىڭ ترانسفەرلەرى جانە اۋە تاسىمالداۋ مامىلەلەرىندە بايقالعان. سونداي-اق, ويىنشىلاردىڭ تاماقتانۋىنا بولىنگەن قاراجاتتى كلۋب قىزمەتكەرلەرى جەكە قاجەتتىلىكتەرىنە جۇمساعان. «تەكسەرۋ قورىتىندىسى بويىنشا وبلىس پروكۋراتۋراسى قىلمىستىق كودەكستىڭ 189-بابىنىڭ 4-بولىگىنىڭ 2) تارماعى (اسا ءىرى مولشەردە سەنىپ تاپسىرىلعان بوتەن م ۇلىكتى جىمقىرۋ), 361-بابىنىڭ 4-بولىگىنىڭ 1) تارماعى (لاۋازىمدىق وكىلەتتىكتەردى تەرىس پايدالانۋ) جانە 190-بابىنىڭ 4-بولىگىنىڭ 2) تارماعى (الاياقتىق) بويىنشا 3 سوتقا دەيىنگى تەرگەپ-تەكسەرۋدى باستادى», دەلىنگەن حابارلامادا. قىلمىستىق ىستەر تەرگەپ-تەكسەرۋ ءۇشىن سىبايلاس جەمقورلىققا قارسى قىزمەت اگەنتتىگىنە جولدانعان. ال ىستەردىڭ تەرگەلۋى وبلىس پروكۋراتۋراسىنىڭ باقىلاۋىنا الىنعان.