جەڭىستىڭ 80 جىلدىعىنا وراي كەڭەس وداعىنىڭ باتىرى, اسكەري قولباسشى, جازۋشى باۋىرجان مومىش ۇلىنىڭ 115 جىلدىعىنا ارنالعان ءىس-شارالار لەگى باۋكەڭ تۋعان جۋالى اۋدانىنان باستاۋ الدى, دەپ حابارلايدى Egemen.kz.
داڭقتى تۇلعانى ەسكە الۋ ءىس-شاراسىنا قر باس پروكۋرورى بەرىك اسىلوۆ, جامبىل وبلىسىنىڭ اكىمى ەربول قاراشوكەەۆ, وبلىس پروكۋرورى نۇرعالىم ءابدىروۆ, قوعام قايراتكەرى, جازۋشى, باتىردىڭ كەلىنى زەينەپ احمەتوۆا, سونداي-اق قۇقىق قورعاۋ ورگاندارى مەن كۇشتىك قۇرىلىمداردىڭ وكىلدەرى جانە اۋدان تۇرعىندارى قاتىستى.
جينالعاندار باۋىرجان مومىش ۇلىن ءبىر مينۋت ۇنسىزدىكپەن ەسكە الىپ, ەرلىگىنە قۇرمەت كورسەتىپ, ەڭسەلى ەسكەرتكىشىنە گۇل شوقتارىن قويدى. بۇل كۇنى جۋالى اۋداندىق پروكۋراتۋراسىندا باۋىرجان مومىش ۇلىنىڭ مەرەيتويىنا وراي مەموريالدىق تاقتانىڭ سالتاناتتى اشىلۋ ءراسىمى ءوتتى.
ەڭ اۋەلى قر باس پروكۋرورى بەرىك اسىلوۆ قۇتتىقتاۋ ءسوز سويلەدى.
« ۇلى جەڭىستىڭ 80 جىلدىعى مەن باۋىرجان مومىش ۇلىنىڭ 115 جىلدىق مەرەيتويى تۇسپا-تۇس كەلىپ وتىر. وسى ايتۋلى داتالار اياسىنداعى ءىس-شارالار جامبىل وبلىسىنىڭ جۋالى اۋدانىنان باستاۋ الدى.
باۋىرجان مومىش ۇلى – تۋعان جەرىن قورعاۋدا ەرلىكتىڭ شىڭىنا شىعىپ, سوعىستىڭ قاتال سىناقتارىندا قايسارلىق پەن تاباندىلىقتىڭ ەرەن ۇلگىسىن كورسەتتى. باتىردىڭ حالقىنا دەگەن سۇيىسپەنشىلىگى, ۇلتتىق قۇندىلىقتاردى ساقتاۋعا قوسقان ۇلەسى دە ەرەكشە. ونىڭ قالامىنان تۋعان ەڭبەكتەرى, دانالىق سوزدەرى – وسكەلەڭ ۇرپاق ءۇشىن رۋحاني تەمىرقازىق.
ول مايدانگەر, باتىر, جازۋشى عانا ەمەس, ول 1931-1932 جىلدارى جۋالى اۋدانىنىڭ پروكۋرورى قىزمەتىن اتقارعان. بۇل – ءبىز ءۇشىن زور ماقتانىش ءارى ۇلكەن جاۋاپكەرشىلىك! – دەدى باس پروكۋرور.
جامبىل وبلىسىنىڭ اكىمى ەربول قاراشوكەەۆ بۇگىنگى يگى ءىس-شارالار ەلدىگىمىزدى نىعايتىپ, تاريحتى تانۋعا زور ۇلەس قوساتىنىن اتاپ ءوتتى.
«قازاق حالقى باردا اتامىزدىڭ اتى وشپەيدى, حالىقپەن ماڭگى جاسايدى», – دەگەن زەينەپ احمەتوۆا ەلدىڭ اماندىعىن, جەردىڭ تىنىشتىعىن تىلەپ, اق باتاسىن بەردى.
كوپشىلىككە اۋداندىق پروكۋراتۋرا عيماراتىندا باۋىرجان مومىش ۇلىنا ارنالعان ء«تارتىپسىز ەل بولمايدى, تارتىپكە باعىنعان قۇل بولمايدى» تاقىرىبىندا جاساقتالعان تانىمدىق بۇرىش تانىستىرىلدى.ء ىس-شارا اياسىندا قاتىسۋشىلار اعاش كوشەتتەرىن وتىرعىزدى. ۇلى جەڭىستىڭ 80 جىلدىعى مەن كەڭەس وداعىنىڭ باتىرى باۋىرجان مومىش ۇلىنىڭ 115 جىلدىعىن اتاپ ءوتۋ جامبىل وبلىسى پروكۋراتۋراسىنىڭ «زاڭدىلىق» الاڭىندا ەسكەرتكىش تاقتانىڭ اشىلۋىمەن جالعاستى.
وبلىس پروكۋراتۋراسىنىڭ باستاماسىمەن اشىلعان تاقتا – قازاقتىڭ باتىر ۇلى, جۋالى اۋدانىنىڭ پروكۋرورى قىزمەتىن اتقارعان باۋىرجان مومىش ۇلى مەن ۇلى وتان سوعىسىنا قاتىسقان پروكۋرورلاردىڭ قۇرمەتىنە ورناتىلدى.
جامبىل وبلىسى