قازاقستاننىڭ جاسوسپىرىمدەر قۇراماسىنىڭ بۇرىنعى باس باپكەرى الەكساندر كۋزنەتسوۆ «شاحتەر» كلۋبىنىڭ قاتارىنا قوسىلدى, دەپ حابارلايدى Egemen.kz.
كلۋب ديرەكتورى تالعات دۇيسەكوۆ ءوزىنىڭ الەۋمەتتىك جەلىدەگى پاراقشاسىنا جازبا قالدىرىپ, كوپتەن ءسۇيىنشى سۇرادى.
– اقپارات – ۇلكەن كۇش. سول اقپاراتتى دۇرىس وڭدەپ, وڭ شەشىم قابىلداي ءبىلۋ وتە ماڭىزدى. ءبىز «شاحتەر» فۋتبول كلۋبىنا مىقتىلار جينالۋى كەرەك دەپ ەسەپتەگەندىكتەن, كلۋبىمىزعا الەكساندر كۋزنەتسوۆتى شاقىردىق. ال, ول بۇل ۇسىنىستى قابىل الدى. بۇگىننەن باستاپ, الەكساندر ەۆگەنەۆيچ «شاحتەردىڭ» فۋتبول ورتالىعىن باسقارماق, – دەلىنگەن حابارلامادا.
الەكساندر ەۆگەنەۆيچ قازاقستان U-19 قۇراماسىن 2021 جىلدان بەرى جاتتىقتىرىپ كەلەدى. وسى تۇستا ۇلتتىق قۇرامالاردىڭ باس باپكەرى رەتىندە جەتكەن جارقىن جەتىستىكتەرى كۇنى بۇگىنگە دەيىن جانكۇيەر جادىندا. ەندى «شاحتەر» كلۋبىنا دا ءوز تاجىريبەسى مەن كاسىبيلىگىن كورسەتىپ, جاڭا بيىكتەردى باعىندىراتىنىنا سەنىم زور.