27 ساۋىرگە قاراعان ءتۇنى الماتىداعى قوناقۇيلەردىڭ بىرىندە ءورت شىقتى, دەپ حابارلايدى Egemen.kz.
بۇل تۋرالى توتەنشە جاعدايلار مينيسترلىگى حابارلادى. ۆەدومستۆو تاراتقان اقپاراتقا سايكەس, ءورت بوستاندىق اۋدانىنداعى قوناقۇي بولمەلەرىنىڭ بىرىندە تۇتانعان.
– ءورت سوندىرۋشىلەر شاقىرۋ تۇسكەن ساتتەن باستاپ 35 مينۋت ىشىندە ءورتتى ءسوندىردى. ناقتى دەرەكتەرگە سايكەس, بوستاندىق اۋدانىنداعى ماناس كوشەسىندە ورنالاسقان ءتورت قاباتتى قوناقۇيدىڭ جاتاقحاناعا بەيىمدەلگەن ءبىرىنشى قاباتىنداعى بولمەدەن ءورت شىققان, – دەلىنگەن حابارلامادا.
تجم كۇشتەرى باسپالداقپەن 100 ادام ەۆاكۋاتسيالاعانى بەلگىلى بولدى.