جىلۋ جەلىلەرى جوندەلەدى

جالپى, وڭىردە 2024–2025 جىلدارعى جىلىتۋ ماۋسىمى شتاتتىق رەجىمدە ءوتتى. اپاتتىق جاعدايلار بولعان جوق. بۇعان نەگىزىنەن قاتتى ايازداردىڭ بولماۋى وڭ اسەر ەتتى. تۇرعىنداردىڭ جىلۋعا قاتىستى شاعىمى 55%-عا ازايعان.

وبلىستىق ەنەرگەتيكا جانە تۇرعىن ءۇي-كوممۋنالدىق شارۋا­شىلىق باسقارماسىنىڭ باسشىسى ەرجان ءيمانزايپوۆتىڭ مالىمدەۋىنشە, ءوڭىر تۇرعىندا­رىن ساپالى جىلۋمەن قامتاما­سىز ەتۋ, سونداي-اق الداعى جىلىتۋ ماۋسىمىندا جىلۋ جەلىلەرىندەگى گيدراۆليكالىق, تەمپەراتۋرالىق رەجىمدەردى جاقسارتۋ ماقساتىندا 16,1 ملرد تەڭگەگە 31 شاقىرىم­نان استام جەلىنى جاڭارتۋ جوس­پارلانىپ وتىر. پاۆلوداردا № 5 سورعى ستانساسىن سالۋ, 5 كم ماگيسترالدىق جىلۋ جەلىلەرىنە, 10,6 كم ورام ىشىندەگى جەلىلەرگە كۇردەلى جوندەۋ جۇرگىزۋ كوز­دەلگەن. ەكىباستۇزدا جم-2, جم-7 قايتا جاڭارتىلادى, جىلۋ جەلىلەرى كۇردەلى جوندەۋدەن وتەدى. اقسۋ قالاسىنىڭ № 3, №5, №8 شاعىن اۋداندارىنىڭ ورام ىشىندەگى جىلۋ جەلىلەرى قايتا جاڭارتىلىپ, جىلۋ جەلىلەرىنە كۇردەلى جوندەۋ جۇرگىزىلەدى.

ءوڭىر باسشىسى اسايىن بايحانوۆ №1 جەو-داعى اپاتتىق توقتاۋلاردىڭ ءوسۋ ديناميكاسىنا, اقسۋدىڭ روك-2 جىلۋ كوزىندەگى نەگىزگى جابدىقتاردىڭ توقتاۋىنا بايلانىستى پارامەترلەردىڭ تومەندەۋىنە الاڭداۋشىلىق تانىتىپ وتىر. بۇل تۇيتكىل­دەر ءوز كەزەگىندە تۇرعىن ۇيلەردەگى جىلۋ جەتىسپەۋشىلىگىنە سوق­تىرعان. «ەەك» اق ديرەكتورى, اقسۋ ماەس «ەنەرگەتيكا» ديۆيزيونىنىڭ باس وپەراتسيالىق ديرەكتورى دۇيسەن مەرعاليەۆ نەگىزگى سەبەپ جەو-داعى №1, №5, №6 قازاندىقتارىنىڭ اپات­تىق جوندەۋگە ءجيى شىعۋىنان بولعانىن ايتادى. وسىنداي جاع­دايلاردىڭ قايتالانۋىن بولدىرماس ءۇشىن بيىل №1 جەو ستانساسىن جوندەۋگە 13 ملرد تەڭگە ءبولىندى. سونداي-اق نەگىزگى قازاندىقتاردى بۇتىندەۋدەن بولەك, روك-2-ءنىڭ قوسالقى جابدىعىنا قوسىمشا 1,5 ملرد تەڭگەگە جوندەۋ جۇرگىزىلمەكشى.

پاۆلودار وبلىسى