بانكتەردىڭ, فينتەح-كومپانيالاردىڭ جانە تەلەكوم-وپەراتورلاردىڭ قاعازدارى كوبىرەك ءوستى, دەپ حابارلايدى Egemen.kz.
قازاقستان قارجىگەرلەرى قاۋىمداستىعىنىڭ (ققق) دەرەكتەرىنە سايكەس, 2025 جىلعى قاڭتار-ناۋرىزدا اكتسيالار اراسىندا بانك سەكتورىنىڭ, فينتەح-يندۋستريانىڭ كومپانيالارى, سونداي-اق تەلەكوممۋنيكاتسيالىق جانە تاۋ-كەن ءوندىرۋشى ەميتەنتتەر ەڭ كوپ ءوسىم كورسەتتى. اسىرەسە التىن ءوندىرۋشى كومپانيالار ەرەكشەلەنىپ, ولاردىڭ اكتسيالارىنا دا باعا قوسىلدى.
وسى سەكتورلارداعى اكتسيالاردىڭ ءوسۋى ينۆەستورلاردىڭ سەنىمىن بىلدىرەدى. كومپانيالاردىڭ بيزنەسى تۇراقتى ءوسىپ, قارجىلىق كورسەتكىشتەرى مەن پەرسپەكتيۆالارى نىعايعان.«بۇل كوبىنەسە ولاردىڭ بيزنەسىنىڭ ءوسۋىن, قارجىلىق ناتيجەلەردى, مىقتى نارىقتىق پوزيتسيالاردى, سونداي-اق ينۆەستورلاردىڭ بولاشاقتا پايدا تابۋ قابىلەتىنە سەنىمىن اڭعارتادى», دەلىنگەن ققق حابارلاماسىندا.
مۇنداي ترەند ءوز پورتفەلدەرىن قالىپتاستىراتىن جەكە ينۆەستورلار ءۇشىن باعدار بولا الادى.