ۇلكەن ەڭبەك, زور قايراتكەرلىك

كەزدەسۋگە كەلگەن قو­ناق­تاردىڭ ار­قاي­سى­سى – قازاق جۋرناليستيكاسى مەن جوعارى ءبىلىم سالاسىنا ەڭبەك ءسىڭىرىپ جۇرگەن ازاماتتار. ولاردىڭ اراسىندا اكادەميكتەر باۋىرجان ومار ۇلى, كارىمبەك قۇرماناليەۆ جانە وزگە ارىپ­تەستەرى مەن شاكىرتتەرى بولدى.

جيىندا بەلگىلى جازۋشى, فاكۋلتەت دەكانى, دوتسەنت نۇرجان قۋانتاي ۇلى جۇرگىزدى. القالى توپتىڭ ورتاسىنان العاش ءسوز باۋىرجان ومار ۇلىنا بەرىلدى.

«ۇلتتىق جۋرناليستيكا دەسەك, ەڭ الدىمەن ويىمىزعا جۋر­ناليستيكا فاكۋلتەتى كەلە­دى. ال سول فاكۋلتەتتى قالىپ­تاستىرعان, ونىڭ ىرگەسىن قالاعان قايىرجان بەكحوجين, تاۋمان اماندوسوۆ, تەمىربەك قوجاكەەۆ سىندى تۇلعالار. بۇل – ۇشتاعان ىسپەتتى تەمىرقازىقتار. سول ۇس­تازداردىڭ جولىن جالعاپ, ولار­دىڭ شاكىرتتەرى دە ۇلت جۋرناليستيكاسىنا ولشەۋسىز ۇلەس قوستى. سولاردىڭ ءبىرى – نامازالى وماش ۇلى. ول كىسىنىڭ ەسىمى ۇلت جۋرناليستيكاسى تاريحىنا التىن ارىپپەن جازىلدى. قازاقستانداعى ەكى ءىرى فاكۋلتەتتى باسقارىپ, ءبىرىنىڭ ءداستۇرىن جالعاستىرىپ, ەكىنشىسىنىڭ نەگىزىن قالاعانى – ۇلكەن ەڭبەك, زور قايراتكەرلىك», دەدى كوسەمسوزشى-عالىم.

ال جيىننىڭ باستى قوناعى نامازالى وماش ۇلى بولسا «بۇ­گىنگى جۇزدەسۋ – جۋرناليستيكا جانە ساياساتتانۋ فاكۋلتەتىنىڭ قۇرىلعانىنا 15 جىل تولۋىنا وراي ۇيىمداستىرىلىپ وتىر­عان تاعىلىمدى كەزدەسۋ» دەپ, فا­كۋلتەتتىڭ وتكەنى مەن بۇگىنى, كاسىبي جۋرناليستيكا ءبىلىمىنىڭ قالىپتاسۋى تۋرالى اڭگىمەلەدى.

«جۋرناليستيكا – وزگە ما­ماندىقتارعا ۇقسامايتىن, ومىر­مەن بىتە قايناسقان, حالىققا تىكەلەي قىزمەت ەتەتىن سالا. بۇگىنگى كۇنى ەل ىشىندە بۇل ماماندىقتىڭ بەدەلى ارتىپ كەلە جاتقانى كوڭىل قۋانتادى. بىراق وسى دارەجەگە جەتۋ جولى وڭاي بولعان جوق. 2009 جىلى ەلىمىزدە جۋرناليس­تيكا ماسەلەلەرىن زەرتتەيتىن العاشقى ينستيتۋت قۇرىلدى. ال 2010 جىلدىڭ 5 مامىرىندا رەسمي تۇردە ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جۋرناليستيكا جانە ساياساتتانۋ فاكۋلتەتى اشىلدى. ۋنيۆەرسيتەت باسشىلىعىنىڭ شاقىرۋىمەن مەن وسى فاكۋلتەتتى قۇرۋعا اتسالىستىم. بۇعان دەيىن دە مۇندا جۋرناليستيكا سالاسى كافەدرا نە ماماندىق رەتىندە وقىتىلعانى بەلگىلى. الايدا دەربەس فاكۋلتەت رەتىندە قۇرىلۋى كاسىبي ءبىلىم بەرۋدىڭ جاڭا كەزەڭى بولدى. بۇل – ەلورداداعى كاسىبي جۋرناليست دايارلايتىن العاشقى ورتالىق بولاتىن, دەدى ن.وماش ۇلى.

پروفەسسوردىڭ پايىمداۋىن­شا, ەلىمىزدە جۋرناليستيكا فا­كۋلتەتىنىڭ تاريحى سوناۋ 1934 جىلدان باستالادى. سول جىلى قازاق مەملەكەتتىك ۋنيۆەرسيتەتى اشىلىپ, كوممۋنيستىك جۋرناليس­تيكا ينستيتۋتى دا ءوز جۇمىسىن باستاعان ەدى. بۇل – جۋرناليستيكا ماماندىعىنىڭ دەربەس ءبىلىم بەرۋ جۇيەسىنە ەنگەنىنىڭ ايعاعى. سول كەزەڭدە ءدارىس وقىپ, ەمتيحان العانداردىڭ قاتارىندا ساكەن سەيفۋللين سىندى تۇلعالار بول­عانىن اتاپ وتكەن ءجون.

وسىلايشا, وتىرىس رەسمي سيپاتتان گورى, ەركىن اڭگىمەگە, ومىرلىك تاجىريبەمەن بولىسۋگە, ۇستاز بەن شاكىرت اراسىنداعى رۋحاني بايلانىستى تەرەڭدەتۋگە باعىتتالدى. ۋنيۆەرسيتەت باس­شىلىعى تاراپىنان الداعى ۋا­قىتتا بۇل كەزدەسۋدى اۋقىمدى عى­لىمي كونفەرەنتسياعا ۇلاستىرۋ جوسپارلانىپ وتىرعانى ايتىلدى.

«جۋرناليستيكا فاكۋلتەتىنىڭ 15 جىلدىعى قارساڭىندا نا­مازالى وماش ۇلىنا ارناپ كونفەرەنتسيا, حالىقارالىق فورۋم دەڭگەيىندە رەسمي ءىس-شارا وت­كىزۋىمىز كەرەك. ال ءبىز ءوز تاراپى­مىزدان وعان تولىق قولداۋ كور­سەتەتىن بولامىز», دەدى ەۇۋ ۋني­ۆەرسيتەتتىڭ اكادەميالىق ما­سە­­لەلەر جونىندەگى پرورەكتورى ارداق بەيسەنباي.

ء«بىز سوزگە ەرەكشە ءمان بەرەتىن, سويلەۋ مەن جازۋ مادەنيەتىن جوعارى قوياتىن ەلمىز. قازىرگى مەدياكەڭىستىكتە «سۇلۋلىق ءۇشىن سويلەۋ», جالتىراعان سوزبەن عانا الىسقا بارا المايسىڭ. وقىرماندى ويلاندىراتىن, سەلت ەتكىزەتىن, شىنايى, ءتىرى ءسوز قاجەت. جۋرناليستيكا – اقىل­دى ادامعا ارنالعان كاسىپ. بۇل سالادا جاڭالىق قانا ەمەس, جا­ڭالىقتىڭ استارىن اشاتىن, تىڭداۋشى مەن وقىرماننىڭ تانىم كوكجيەگىن كەڭەيتەتىن تەرەڭ مازمۇندى دۇنيەلەر ماڭىزدى. بۇرىن ءبىز بايانداۋ, سۋرەتتەۋ سىندى جانرلارعا كوبىرەك دەن قوياتىنبىز. ال دامىعان ەلدەردىڭ تاجىريبەسىنە قاراساق, ولار ناقتى وقيعانىڭ استارىنا ۇڭىلۋگە, ماسەلەنى قوعامدىق تۇرعىدا تەرەڭ سارالاۋعا باسىمدىق بەرەدى», دەپ جاستارعا اقىلىن دا ايتتى ن.وماش ۇلى.