الماتى كوپسالالى كلينيكالىق اۋرۋحاناسىندا بىلتىر 225 شەتەلدىك ازامات تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ەم الىپتى. بۇل ەلىمىزدىڭ مەديتسيناسىنا دەگەن سەنىمنىڭ جوعارى ەكەنىن, ماماندارىمىزدىڭ بىلىكتىلىگىن كورسەتەدى.
ناۋقاستار اراسىندا تۇركيا, ءۇندىستان, پاكىستان, قىتاي, اقش ازاماتتارى بار. ولاردىڭ بارلىعى دارىگەرلەردىڭ كاسىبيلىگى مەن قىزمەت كورسەتۋدىڭ جوعارى دەڭگەيدە ەكەنىن اتاپ ءوتىپ, ەم-شارالارىنا ريزاشىلىعىن بىلدىرگەن. مىسالى, تۇركيادان كەلگەن پاتسيەنتتىڭ جۇرەگىنە جوعارى تەحنولوگيالىق ادىسپەن وپەراتسيا جاسالدى. «مەن مۇنداي ساپالى قىزمەت الامىن دەپ كۇتكەن جوقپىن, دارىگەرلەر توبىنا وتە ريزامىن», دەيدى ول.
ءۇندىستاننان كەلگەن جۇكتى ايەلگە (36 اپتا) دارىگەرلەر شۇعىل تۇردە كەسار تىلىگى وپەراتسياسىن جاساپ, نارەستەنى SIPAP اپپاراتىنىڭ كومەگىمەن امان الىپ قالدى. ء«وزىمدى الدەقايدا جاقسى سەزىنەمىن, بەلسەندى ءومىرىمدى جالعاستىرۋعا دايىنمىن, ءسابيىم دە شيراپ كەلەدى», دەگەن قۋانىشىمەن ءبولىستى باقىتتى انا.
پاكىستان مەن قىتايدان كەلگەن ناۋقاستار دا كورسەتىلەتىن مەديتسينالىق كومەكتىڭ قولجەتىمدى ءارى ساپالى ەكەنىن ايتادى. ولار مەديتسينالىق قىزمەتكەرلەردىڭ قاپىسىز قارىم-قاتىناسىن ايرىقشا اتاپ ءوتتى. اقش-تان الماتىعا تۋريستىك ماقساتتا كەلگەن پاتسيەنتتەر دە اۋرۋحانانىڭ مەديتسينالىق سەرۆيسى تۋرالى وڭ پىكىر ءبىلدىردى. «ۆەلوسيپەدتەن قۇلاپ قالعان مەنى دارىگەرلەردىڭ جىلى قارسى العانىنا, ءجىتى كوڭىل بولگەنىنە رازى بولدىم. ەمدەلۋشىلەرگە وتە قولايلى جاعداي جاسالعانى قۋانتتى. ماماندار ساپالى مەديتسينالىق كومەك كورسەتتى», دەيدى امەريكالىق ازامات.
ء«بىز ءاربىر ناۋقاسقا ساپالى مەديتسينالىق كومەك كورسەتە وتىرىپ, جايلى اتموسفەرا سىيلاۋعا ۇمتىلامىز. مەديتسينالىق تۋريزم – دەنساۋلىعىڭىزدى جاقسارتۋمەن قاتار, ەلىمىزدىڭ بىرەگەي مادەنيەتى مەن تامىلجىعان تابيعاتىن تاماشالاۋعا مۇمكىندىك بەرەدى. ەگەر ءبىزدىڭ ەلگە مەديتسينالىق تۋر جوسپارلاساڭىز, سىزگە كومەكتەسۋگە ارقاشان دايىن ەكەنىمىزدى بىلە ءجۇرىڭىز», دەيدى سالا ماماندارى.
الماتى وبلىسى