قايتا جاندانعان كاسىپورىن

وبلىس ورتالىعىنان 40 شاقىرىم جەردە ورىن تەپكەن قىزىلجار اۋىلىنىڭ اجارى كەيىنگى جىلدارى سەمىپ بارا جاتقانداي ەدى. مۇنداعى جالعىز قۇس فابريكاسى 2022 جىلى جابىلىپ, جۇزدەگەن ادام جۇمىسسىز قالدى. وڭىردەگى قۇس ەتىنىڭ ءوندىرىسى ايتارلىقتاي كەمىدى. سالدارىنان قاڭىراپ قالعان قۇس قورالارى مەن وندىرىستىك تەحنولوگيانىڭ تالان-تاراجعا ءتۇسۋ قاۋپى تۋىنداعان.

ابىروي بولعاندا, بيىل كوكتەمدە «قىزىلجار-قۇس» فابريكاسىنىڭ تامىرىنا قايتا قان جۇگىردى. كاسىپورىن ينۆەستورى اۋىسقان سوڭ ءبىراز ۋاقىت توقتاپ تۇرعان وندىرىستىك ۇدەرىس ىسكە قوسىلىپ, العاشقى ونىمدەرىن شىعارا باستادى. جاقىن ۋاقىتتا جەرگىلىكتى دۇكەن سورەلەرىنە پاۆلودارلىق قۇس ەتتەرى جەتكىزىلمەك.

كاسىپورىندى بىلتىر قالپى­نا كەل­­تىرە باس­تا­دى. ينۆەستي­تسيانىڭ 1,5 ملرد تەڭگەسى نىسان­داردى قال­پى­نا كەلتىرۋگە, قال­عان قارا­جات قارىز­داردى وتەۋگە, جابدىق­تار ساتىپ الۋعا جانە اينالىم قارا­جا­تىن تولىق­تىرۋعا جۇمسالادى.

ءساۋىر­دىڭ باسىندا وندىرىستە ال­عاشقى قۇس سويۋ جۇمىستارى جۇر­گى­زىلدى. ناتي­جەسىندە, مۇندا قىزىل­جار ەلدى مەكەنىنە جاقىن ماڭداعى اۋىلداردان 145 ادام جۇمىسقا ارالاستى. تولىق قۋاتقا كوشكەندە كاسىپورىنداعى جۇمىسشى سانى 250-گە جەتەدى. ءوندىرىس كولەمىن جىلىنا 10 مىڭ تونناعا دەيىن ۇلعايتۋ جوسپارلانعان.

«قىزىلجار-قۇس KZ» جشس باس­شىسى ايدار نىعمەتوۆ قۇس ەتى بيزنەسىمەن العاش رەت شۇعىل­دانىپ وتىر. كاسىپتىڭ قيىن­دىعىنا قاراماستان, جاقىن ۋا­قىتتا ءوندى­رىسى وركەندەيتىنىنە سەنىمدى, سەبەبى سۇرانىس بار. جوباعا قاجەت قو­سىم­شا 3,5 ملرد تەڭگەنى مەملەكەت­تەن قارىزعا الادى. مۇندا قازىر 4 قۇس قوراسى ىسكە قوسىلىپ, ارقاي­سى­سىن­دا 50 مىڭ تاۋىقتان ءوسىرىلىپ جاتىر. فابريكاداعى قۇستار قاراعان­دىدان جەتكىزىلگەن. جاقىن ارادا تاعى دا 5 قۇس قوراسىن ومىرشەڭ ەتۋ جوسپاردا بار.

«بىزدە وندىرىلەتىن قۇس ەتى ەكو­لو­گيالىق جاعىنان تازا, ەشقان­داي ءدارى ەكپەيمىز, ادام دەن­ساۋ­­لىعىنا زيان كەلتىرەتىن ازىق بەرمەيمىز. ۇنەمى جوعارى ستاندارتتارعا جا­ۋاپ بەرەتىن ءونىم بەرىپ تۇرامىز دەگەن سەنىمدەمىز. ەڭ اۋەلى پاۆلودار مەن ەكىباستۇز تۇرعىندارىن ساپالى ونىممەن قامتاماسىز ەتۋدى ماقسات تۇتىپ وتىرمىز. ودان ءارى استانا نارى­عىنا شىعاراتىن ويىمىز بار. ورتامەرزىمدى ماقساتىمىز – ەكسپورتقا شىعارۋ. جەرگىلىكتى بيلىك بىزگە بارىنشا كومەكتەسىپ وتىر», دەيدى كاسىپكەر.

ءوڭىر باسشىسى اسايىن باي­حانوۆ كاسىپورىندى ارالاپ كورىپ, جاسال­عان جۇمىستارعا ريزا­شى­لىعىن جەتكىزگەن. اۋىلدا قاڭى­راپ قال­عان فابريكانى قايتا «تىرىلت­كەن» ينۆەستورعا العىسىن ايتىپتى.

«وڭىرىمىزگە ءدال وسىنداي ىسكەر ينۆەستورلاردى كوپتەپ تار­تۋ قاجەت. 145 جۇمىس ورنى قۇرى­لىپ ۇلگەردى. اقسۋدىڭ اۋىلدىق ايماعىندا تۇرىپ جاتقان حالىق ءۇشىن مۇنداي الەۋەتتى كاسىپ­ورىندار – ۇلكەن قول­داۋ ءارى تۇراق­تى تابىس كوزى. كەزىن­دە قىزىلجار قۇس فابريكاسى ءىرى ءارى قۋاتتى كاسىپورىنداردىڭ ءبىرى بول­عانىن ۇمىتا قويعان جوقپىز. ونىڭ ونىمدەرى وڭىرگە عانا ەمەس, وزگە وبلىستارعا دا تانىمال بولعان. «قىزىلجار-قۇس» فابريكاسى اياققا تۇرماسا, ءبىزدىڭ ايماعىمىز قۇس ەتىمەن ءوزىن قامتاماسىز ەتۋگە قابىلەتسىز. سوندىقتان بۇل جوبا ءبىز ءۇشىن ستراتەگيالىق باعىتتا بولادى», دەيدى ءوڭىر باسشىسى.

پاۆلودار وبلىسى,

اقسۋ اۋىلدىق ايماعى,

قىزىلجار اۋىلى