پەتروپاۆل. 5 مامىر. “نۇر وتان” پارتياسى وبلىستىق فيليالىنىڭ عيماراتىندا “قاھارمان. kz” سايتىنىڭ اشىلۋ ءراسىمى وتتى. «ارداگەرلەردى ارداقتايىق!» جوباسى شەڭبەرىندە قولعا الانعان شارا مىڭداعان شاڭىراقتىڭ وتىن وشىرگەن سوعىستىڭ جەڭىسپەن اياقتالۋىنا قازاقستاندىقتاردىڭ دا قوسقان ۇلەسىن كورسەتۋدى, وتان ءۇشىن وت كەشىپ, جاندارىن پيدا ەتكەن بوزداقتار مەن ارداگەرلەردىڭ ونەگەلى ءومىرىن كەيىنگى ۇرپاققا ۇلگى ەتۋدى دىتتەيدى. بۇل تۋرالى وبلىستىق «سولتۇستىك قازاقستان» گازەتى حابارلادى.
“نۇر وتان” پارتياسى وبلىستىق فيليالى توراعاسىنىڭ ءبىرىنشى ورىنباسارى ارتۋر مولداعۇلوۆ وز سوزىندە اتالمىش سايت قورعانىس مينيسترلىگىمەن بىرلەسىپ, جۇزەگە اسىرىلعانىن, وڭىرىمىزدەگى كەڭەس وداعىنىڭ باتىرلارى مەن داڭق وردەنىنىڭ تولىق يەگەرلەرى ەسەپكە الىنىپ, دەرەكتەر بانكى جاسالعانىن جەتكىزدى. قورعانىس ىستەرى جونىندەگى دەپارتامەنت باستىعىنىڭ ورىنباسارى امانگەلدى دۇيسەكين اتالمىش سايتتىڭ بەيبىتشىلىك بەسىگىندە تەربەلىپ ءوسىپ كەلە جاتقان جاس بۋىندى وتانشىلدىق رۋحتا تاربيەلەۋدەگى ماڭىزدىلىعىنا توقتالدى.
سايتتا سوعىس تاقىرىبىنا قالام تەربەگەن اقىن-جازۋشىلاردىڭ شىعارمالارى, وتتى جىلداردىڭ وشپەس تاريحى ۇزبەي جاريالاناتىن بولادى. الەمدى ءدۇر سىلكىندىرىپ, ادامزاتتىڭ جۇرەگىنە جازىلماس جارا سالعان ەكىنشى دۇنيەجۇزىلىك سوعىسقا قاتىستى فوتو-بەينە دەرەكتەر, بەينەەنتسيكلوپەديالار, اندەر توپتاستىرىلعان. وقىرماندار ونلاين قابىلداۋ جۇيەسىنە كىرىپ, ەلەكتروندى تۇردە وتىنىش بەرە الادى.
ءومىر ەسقالي.
دەرەكك: وبلىستىق «سولتۇستىك قازاقستان» گازەتى.
سۋرەت: kaxarman.kz