ءورت قاۋپى جوعارى كەزەڭ باستالعالى ءبىر ورمان ءورتى جانە 44 ءشوپ جانۋ وقيعاسى تىركەلدى. ءورت شالعان اۋماق شامامەن 689,31 گەكتار جەردى قۇرايدى. كۇزگى ولىقاۋ قۇرعاپ, ءورت قاۋپى ەسەلەنە تۇسكەن. وڭىردە ءورتتىڭ الدىن الۋ ماقساتىندا اقپاراتتىق-ءتۇسىندىرۋ جۇمىستارى جۇرگىزىلۋدە, دەپ حابارلايدى Egemen.kz.
–جاڭا ءورت ماۋسىمىنىڭ الدىندا توتەنشە جاعدايلار دەپارتامەنتى جاعداي ۋشىعاتىن بولسا, ىسكە قوساتىن كۇشتەر مەن قۇرالداردىڭ ناقتى ءتىزىمىن بەكىتتى. جالپى سانى 1000-نان استام ادام جانە 262 تەحنيكا كەز كەلگەن ساتتە وقيعا ورنىنا جىبەرىلۋگە دايىن. ولاردىڭ قاتارىندا ءبىزدىڭ دەپارتامەنت, پوليتسيا دەپارتامەنتى, تابيعي رەسۋرستار باسقارماسى, اسكەري بولىمدەر, جەرگىلىكتى اتقارۋشى ورگاندار, تەمىرجول جانە جول قىزمەتىنىڭ وكىلدەرى بار. سونىمەن قاتار, وبلىستا 6 ءورت پويىزى بار, بۇل اسىرەسە, تەمىرجول ينفراقۇرىلىمىن قورعاۋدا ماڭىزدى ءرول اتقارادى,– دەيدى وبلىستىق توتەنشە جاعدايلار دەپارتامەنتى مەملەكەتتىك ءورت باقىلاۋ باسقارماسىنىڭ باس مامانى دوسبول جاقسىباەۆ.
ءتىلسىز جاۋمەن كۇرەستە ەرىكتى جاساقتاردىڭ سەپتىگى مول. وڭىردە 1000-نان استام ادامنان قۇرالعان 210 ەرىكتى جاساق جۇمىس ىستەۋدە. بۇعان قوسا, 51 جەرگىلىكتى اتقارۋشى ورگاننىڭ ءورت ءسوندىرۋ بەكەتى بار. ولار الىس اۋىلداردا جانە ەلدى مەكەندەردە ءورتتىڭ العاشقى بەلگىلەرى بايقالعان ساتتە جىلدام ارەكەت ەتۋگە ءتيىس.
ءورت وشاقتارىن ەرتە انىقتاۋ ءۇشىن سپۋتنيكتىك مونيتورينگ قولدانىلادى. جەرگىلىكتى جەرلەردە جاعدايدى 108 ءموبيلدى توپ باقىلايدى. ونىڭ قۇرامىندا ورمان جانە دالا القاپتارىن, دەمالىس ورىندارىن پاترۋلدەيتىن 425 قىزمەتكەر بار. بۇعان دەيىن جاسالعان 22 رەيد بارىسىندا ءورت قاۋىپسىزدىگى ەرەجەلەرىن بۇزۋدىڭ 5 فاكتىسى انىقتالدى. ءۇش ازاماتقا ەسكەرتۋ جاسالدى, ال ەكەۋى 78 640 تەڭگە كولەمىندە ايىپپۇل تولەدى.
اقمولا وبلىسى