استانا, الماتى جانە قاراعاندى قالالارىنا «ەڭبەك داڭقى قالاسى. 1941–1945 جىلدار» قۇرمەتتى اتاعى بەرىلمەك. بۇل شەشىم تمد سىرتقى ىستەر مينيسترلەرى كەڭەسىنىڭ وتىرىسىندا قابىلداندى, دەپ حابارلايدى Egemen.kz.
اتاقتى بەرۋ باستاماسى ۇلى وتان سوعىسىنداعى جەڭىستىڭ 80 جىلدىعىنا ورايلاستىرىلعان. سوعىس جىلدارى بۇل قالالار اسكەري جانە ازاماتتىق ءونىم ءوندىرىسىنىڭ ماڭىزدى ورتالىقتارىنا اينالىپ, حالىق ەرلىكپەن ەڭبەك ەتكەن.
اتاقپەن بىرگە اتالعان قالالاردا ارنايى ستەلالار ورناتىلادى. وندا جاڭا مارتەبە تۋرالى اقپارات پەن قالانىڭ ەلتاڭباسى بەينەلەنەدى. بۇل ۇسىنىستى قازاقستان تاراپى تمد-نىڭ گۋمانيتارلىق ىنتىماقتاستىق كەڭەسىنە جولداعان. 11 ساۋىردە الماتىدا وتكەن وتىرىستا باستاما ءبىراۋىزدان قولداۋ تاپقان.
ايتا كەتەيىك, مۇنداي مارتەبەگە تمد قۇرامىنداعى وزگە دە قالالار يە بولادى دەپ جوسپارلانىپ وتىر.