قوستانايدا بۇرىن سوتتى بولعان ازامات ۇيىندە زاڭسىز اڭشىلىق اتىس قارۋىن ساقتاعان. وبلىسىنىڭ پروكۋراتۋراسى قارۋدى ساقتاۋ فاكتىسى بويىنشا قىلمىستىق ءىستىڭ ايىپتاۋ اكتىسىن بەكىتتى, دەپ جازادى Egemen.kz.
ءتىنتۋ كەزىندە ونىڭ پاتەرىنەن 3 اڭشىلىق اتىس قارۋى تاركىلەندى, ونىڭ بىرەۋى كەلتە مىلتىققا اينالدىرىلعان جانە 200 دانادان استام پاترون, ونىڭ ىشىندە "پارابەللۋم" تاپانشاسى مەن "كالاشنيكوۆا - اك-74" اۆتوماتىنان اتۋعا ارنالعان پاتروندار بار.
– وسى فاكتى بويىنشا قىلمىستىق كودەكستىڭ 287- بابى 3-بولىگى, ياعني اتىس قارۋى مەن وق-دارىلەردى زاڭسىز ساتىپ الۋ جانە ساقتاۋ بويىنشا سوتقا دەيىنگى تەرگەۋ باستالدى. تەرگەۋ ناتيجەلەرى بويىنشا قىلمىستىق ءىس سوتقا جىبەرىلدى, – دەپ جازدى باقىلاۋشى ورگاننان.
ايتا كەتەرلىگى, وسىنداي قۇقىق بۇزۋشىلىقتاردىڭ الدىن الۋ ماقساتىندا قارۋ مەن وق-دارىلەردى ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ شارالارىنا قىلمىستىق جاۋاپتىلىق كوزدەلگەن. جازانىڭ ماكسيمالدى مەرزىمى – 10 جىلعا دەيىن باس بوستاندىعىنان ايىرۋ.
بۇل رەتتە, ول ارەكەتتەردە وزگە قىلمىس قۇرامى بولماسا, قارۋ مەن وق-دارىلەردى ءوز ەركىمەن تاپسىرعان ادام قىلمىستىق جاۋاپتىلىقتان بوساتىلادى. قارۋدى ەرىكتى تۇردە تاپسىرۋ ءۇشىن كەز كەلگەن پوليتسيا بولىمشەسىنە حابارلاسۋ قاجەت.