استانادا پارلامەنت پالاتالارىنىڭ بىرلەسكەن وتىرىسىندا «پرەزيدەنت تۋرالى» كونستيتۋتسيالىق زاڭ جوباسى ءبىرىنشى وقىلىمدا ماقۇلداندى. جاڭا زاڭنامالىق وزگەرىستەرگە سايكەس, ەلىمىزدىڭ ۇكىمەتى بيىل جاڭا قۇرامداعى قۇرىلتاي الدىندا وكىلەتتىگىن توقتاتادى, دەپ حابارلايدى Egemen.kz.
پارلامەنت قابىرعاسىندا وتكەن تالقىلاۋدا سەناتور بەكبولات ورىنبەكوۆ جاڭا كونستيتۋتسيانىڭ تالاپتارىنا توقتالىپ, اتقارۋشى بيلىك پەن جاڭادان ەنگىزىلەتىن ۆيتسە-پرەزيدەنت ينستيتۋتىنىڭ اراجىگىن ناقتىلادى. زاڭ جوباسىنا سايكەس, رەسپۋبليكالىق رەفەرەندۋمدا قابىلدانعان اتا زاڭ 1 شىلدەدە كۇشىنە ەنسە, تامىز ايىندا جاڭا قۇرىلتاي سايلاۋى وتپەك. ءدال وسى سايلاۋدان كەيىن مينيسترلەر زاڭ بويىنشا تولىق قۇرامدا وتستاۆكاعا كەتۋى ءتيىس.
قۇرىلتاي سايلاۋى تامىز ايىندا وتەدى
تالقىلاۋ كەزىندە دەپۋتاتتار: «ۆيتسە-پرەزيدەنت تە پرەزيدەنت سايلانعان سايىن وكىلەتتىگىن تاپسىرا ما؟» دەگەن ساۋال جولدادى.
«ۆيتسە-پرەزيدەنت ينستيتۋتىن ەنگىزۋ جالپى العاندا تۇراقتى جانە جۇيەلى جۇمىستى قامتاماسىز ەتەدى. ۆيتسە-پرەزيدەنت جەكە مەملەكەتتىك ورگاندى باسقارمايدى, ول پرەزيدەنتتىڭ اتىنان ارەكەت ەتەدى. وسى ۇستانىمدى ەسكەرە وتىرىپ, جاڭادان سايلانعان پرەزيدەنت الدىندا جاڭا وكىلەتتىكتەردى توقتاتۋدى قاجەت دەپ سانايمىز», دەپ ءتۇسىندىردى ادىلەت ءمينيسترى ەرلان سارسەمباەۆ.
ۇكىمەتتىڭ قىزمەتىن باقىلاۋ جانە سوتتاردىڭ تاۋەلسىزدىگى: قۇرىلتايعا قانداي وكىلەتتىلىك بەرىلەدى؟
اسىلجان قۇرمانعالي