قازاقستاندا سۋ تاسقىنى سالدارىنان 14 اۋىل كولىك قاتىناسىسىز وتىر. سونىمەن قاتار ەل اۋماعىندا 26 جەردەن سۋ تاسىپ, 5 جول بولىگى شايىلعان, دەپ حابارلايدى Egemen.kz توتەنشە جاعدايلار مينيسترلىگىنە سىلتەمە جاساپ حابارلايدى.
ۆەدومستۆونىڭ مالىمەتىنشە, ناۋرىز ايىنىڭ باسىنان بەرى:
4 ميلليون تەكشە مەتردەن استام سۋ سورىلعان, 658 مىڭنان استام قۇم تولتىرىلعان قاپ توسەلگەن, 45 مىڭ توننا ينەرتتى ماتەريال قولدانىلعان, 842 شاقىرىم سۋ اعىزۋ ارىعى تازارتىلعان.قازىرگى تاڭدا اپاتتىق-قۇتقارۋ جۇمىستارىنا 577 مامان, 179 تەحنيكا, 58 موتوپومپا جانە سۋ كولىگى جۇمىلدىرىلعان. سونىمەن قاتار, تجم, ءىىم, جەرگىلىكتى اتقارۋشى ورگاندار جانە باسقا دا مەكەمەلەر قاۋىپسىزدىكتى قامتاماسىز ەتۋگە قاتىسىپ جاتىر.
«سۋ باسقان نەگىزگى اۋماقتار: اقمولا وبلىسى: جاناتۇرمىس, كولۋتون, ەسكى كولۋتون, ياگودنوە, ا.قۇرمانوۆ اتىنداعى اۋىل. بۇلاندى اۋدانى: نوۆوبراتسكوە اۋىلى. بۇل ەلدى مەكەندەردە 69 تۇرعىن ءۇي مەن 29 اۋلا اۋماعىن سۋ باسقان. كولىك قاتىناسى 14 اۋىلمەن ۇزىلگەن», — دەلىنگەن حابارلامادا.
ەۆاكۋاتسيا ناتيجەلەرى:
383 ادام ەۆاكۋاتسيالاندى, ونىڭ ىشىندە 10 ادام ۋاقىتشا ەۆاكۋاتسيالىق بەكەتتەرگە جەتكىزىلدى, 159 ادام تۋىستارىنىڭ ۇيىنە ورنالاستىرىلدى, 214 ادام ۇيلەرىنە قايتا ورالدى.ەۆاكۋاتسياعا ارنالعان ارنايى ورىندار مەن كولىكتەر دايىن. سونىمەن قاتار, تجم-ءنىڭ تىكۇشاقتارى دا ساقاداي ساي تۇر.
قازىرگى تاڭدا اقمولا, سولتۇستىك قازاقستان, شىعىس قازاقستان جانە اباي وبلىستارىەرەكشە باقىلاۋعا الىنعان. دەگەنمەن بيىلعى كوكتەمگى سۋ تاسقىنى قاۋپى بىلتىرعىدان ايتارلىقتاي تومەن. كوپتەگەن وزەندەردە سۋ دەڭگەيى تومەندەپ, قار جامىلعىسى تەك شىعىس قازاقستاننىڭ بيىك تاۋلى وڭىرلەرىندە عانا ساقتالعان.