ارداگەرلەر ۇيىمىنىڭ كەزەكتى پلەنۋمى ءوتتى

كەزدەسۋ بارىسىندا قاتىسۋشىلار مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ IV وتىرىسىندا ايتقان يدەيالاردى جۇزەگە اسىرۋعا باعىتتالعان ۇيىمنىڭ جۇمىسى مەن ناقتى جوسپارلارىن, سونىمەن قاتار جەڭىستىڭ 80 جىلدىعى بويىنشا دايىندىق ماسەلەلەرىن تالقىلادى.

ايدا بالاەۆانىڭ ايتۋىنشا, پرەزيدەنتتىڭ تاپسىرماسىنا سايكەس, ۆەدومستۆو ارنايى جوبانى دايىنداۋدى باستاعان. بۇل قۇجاتتا مەملەكەتتىڭ يدەولوگيالىق جۇمىسىنداعى ماقسات-مىندەتتەر مەن باسىمدىقتار ايقىندالادى.

سونداي-اق مينيسترلىك تاراپىنان ۆەدومستۆولىق ماراپاتتاردى تاپسىرۋ جۇيەسىن رەتتەۋ جانە ماراپاتتالعاندار ءتىزىمىن جۇرگىزۋ بويىنشا جۇمىستار جۇرگىزىلىپ جاتىر. پارلامەنت قاراۋىنا ونوماستيكا سالاسى مەن قايىرىمدىلىق قاراجاتتارىن جيناۋدىڭ اشىقتىعىنا باعىتتالعان زاڭ جوبالارىنىڭ توپتاماسى ۇسىنىلدى.

كينويندۋستريانى مەملەكەتتىك قارجىلاندىرۋدىڭ اشىقتىعىن ارتتىرۋعا باعىتتالعان «ە-كينو» بىرىڭعاي مونيتورينگ جۇيەسى ازىرلەندى. سونىمەن قاتار, قازاقستان مۋزەيلەرىنىڭ ۆيرتۋالدى جەلىسى – «ە-Museum» ۆەب-پورتالى تانىستىرىلاتىن بولادى

جەڭىستىڭ 80 جىلدىعىن مەرەكەلەۋدىڭ ۇلتتىق باعدارلاماسى شەڭبەرىندە جىل بويى ەلىمىزدىڭ بارلىق وڭىرلەرىندە ەكى مىڭعا جۋىق ءىس-شارا وتكىزۋ جوسپارلانىپ وتىر. جەڭىس كۇنى مەن وتان قورعاۋشىلار كۇنىنە ارنالعان سالتاناتتى كونتسەرت ۇيىمداستىرىلادى. «قازاق ەلى» مونۋمەنتى الاڭىندا اسكەري پاراد وتەدى, ول ەلىمىزدىڭ بارلىق ءىرى تەلەارنالارىنان تىكەلەي ەفيردە كورسەتىلەدى.

«باتىرلارعا تاعزىم» پورتالىنىڭ قىزمەتى كەڭەيتىلدى. 27 ناۋرىزدان باستاپ «Qazaqstan» تەلەارناسىندا «ەرجۇرەك ەسىمدەر» جوباسى ىسكە قوسىلدى. اتالعان جوبا اياسىندا ارنا ەفيرىنەن ەكىنشى دۇنيەجۇزىلىك سوعىسىنىڭ باتىرلارى جايلى 80 بەينەروليك كورسەتىلەدى.

«قازاقفيلم» كينوستۋدياسى وڭىرلىك كينوتەاترلاردا كورسەتىلەتىن 19 ۇلتتىق فيلمنەن تۇراتىن ارنايى توپتاما ازىرلەدى.