2023, 2024 جىلدارى 510 مىڭ ورىنعا ارنالعان 422 مەكتەپ سالىنۋى – 100-گە جۋىق ءۇش اۋىسىمدى ءبىلىم ۇيالارىن عانا ەمەس, 200-دەن استام مەكتەپتە ورىن تاپشىلىعىن جويۋعا مۇمكىندىك بەرگەن, دەپ جازادى Egemen.kz.
ينفراقۇرىلىمدى دامىتۋ دەپارتامەنتى ديرەكتورىنىڭ ورىنباسارى روزا سەمباەۆانىڭ ايتۋىنشا, جۇيەلى شارالاردىڭ ارقاسىندا 2 جىل ىشىندە ءۇش اۋىسىمدى مەكتەپتەر سانى 3 ەسەگە قىسقارعان.
بىلتىر 105 «جايلى مەكتەپ» بەرىلسە, بيىل جىل سوڭىنا دەيىن تاعى 112 مەكتەپ قۇرىلىسىن اياقتاۋ جوسپارعا الىنعان.
وقۋ-اعارتۋ مينيسترلىگىنىڭ مالىمەتىنشە, سونىمەن قاتار, ءبىلىم بەرۋ ينفراقۇرىلىمىن قولداۋ قورى ارقىلى 61 مەكتەپتىڭ قۇرىلىسى قارجىلاندىرىلعان, ونىڭ شەڭبەرىندە تاعى 28 ءبىلىم ورداسىن سالۋ جوسپارلانىپ وتىر. سونىمەن قوسا, جىل سايىن اۋىلدىق مەكتەپتەردى كۇردەلى جوندەۋ ءارى زاماناۋي پاندىك كابينەتتەرمەن جابدىقتاۋ جۇرگىزىلىپ جاتىر.