جاڭبىرلاتىپ سۋارۋ ماشيناسىن شىعارادى

سولتۇستىك ءبۇيىرى رەسەيمەن, شىعىسى وبلىس ورتالىعى وسكە­مەن­مەن شەكتەسىپ جاتقان التاي اۋدانىنىڭ استى كەنگە, ءۇستى دانگە باي. ونەركاسىپتىك, ءارى اۋىلشارۋاشىلىق ايماق. كۇنى كەشە عانا جۇمىسىن باس­تاپ جاتقان جاڭا زاۋىت جەر ەم­گەن دي­قانداردىڭ قولىن ەداۋىر ۇزارت­پاق. التاي اۋدانى شا­رۋا­لارىنىڭ دەنى ەگىن شا­رۋا­شىلىعىمەن اينالى­ساتىندىقتان, جاڭبىر­لاتىپ سۋارۋ اپپاراتى ءونىمنىڭ ارتۋىنا دا ىقپالىن تيگىزەدى. ونىڭ ۇستىنە زاۋىت جىلىنا 1 000 دانا ماشينا جاساۋعا قاۋقارلى ەكەن. 1 000 ماشينا مىڭداعان گەكتار جەردى ءاپ-ساتتە سۋارىپ شىعادى. ءار شارۋا ءدان ەككەن جەرىنە مۇنداي قۇرىلعى ورناتسا, قۇرعاقشىلىق كۇن رايى دا ءونىمنىڭ كولەمىنە كەسىرىن تيگىزبەيدى. ءيا, ونىڭ جۇمىسىن العاشقى قۇرىلعى ورناتىلىپ, ەگىستىككە شىعارىلعان سوڭ جەكە قاۋزايمىز.

ء«ا» دەپ باستالعان زاۋىتتا قازىر 22 ادام جۇمىس ىستەپ ءجۇر. جۇمىس جوسپارداعىداي ءجۇرىپ جاتسا, 114 ادامدى جۇمىسپەن قامتيدى.

– پرەزيدەنت 2030 جىلعا دەيىن 3 ملن­ گەكتار جەر سۋارمالى بولۋعا ءتيىس دەگەن. مىنە, ءبىز وسى باعىتتا جۇمىس باس­تادىق. تولىقتاي وتاندىق تەحنولو­گيانى پايدالانىپ وتىرمىز. تەك قانا تەمىرلەردى سىرتتان كىرگىزەمىز. بۇگىندە جۇمىس قارقىندى ءجۇرىپ جاتىر, – دەيدى «Ertis Bereke Oskemen» جشس قۇرىلتايشىسى ءانۋار قاسىموۆ.

زاۋىتتىڭ ءبىر ەرەكشەلىگى – تولىق­تاي اۆتوماتتاندىرىلعان. تەمىردەن جاسالاتىن تەتىكتىڭ ءوزى جابىق قۇرىل­عىنىڭ ىشىندە الدىن الا جاسالعان كوم­پيۋتەرلىك باعدارلاما ارقىلى جونىلادى ەكەن. ءتىپتى شاعىن تەتىك­تەرىنە دەيىن وسىندا جاسالادى. ول ءۇشىن اككى شەبەرلىكتىڭ قاجەتى جوق سەكىلدى كورىندى. ماماندار تۇيمەنى باسىپ, كەرەكتى تەمىردى ورنىقتىرىپ قويسا بولعانى. جو-جوق, ەكرانعا باعدارلامانى ەن­گىزۋ كەرەك. سونىمەن شارۋا بولادى. جاسال­عان ءونىمدى سورەلەرگە جيناستىرىپ, قۇراستىرا بەرەدى. جۇمىس ەندى باستالىپ جاتقاندىقتان استانادان كەلگەن ارنايى ماماندار دا قىزمەت ەتىپ ءجۇر. زاۋىتتىڭ اۋى مەن باۋى ىڭعايلانىپ, دوڭگەلەنىپ كەتكەن سوڭ كەرى قايتامىز دەسەدى ولار.

سۋرەتتى تۇسىرگەن – اۆتور

– زاۋىتقا ورناتقان قۇرىل­عى­لاردىڭ بارلىعى جاپ-جاڭا. ما­شينالاردى زاماناۋي تەحنولوگيا­لارمەن قۇراستى­رىپ جاتىرمىز. سۇرانىسقا قاراي جاڭ­بىرلاتىپ سۋارۋ ماشينالارىن جاساي بەرمەكپىز. ايتا كەتەيىك, مۇنداي زاۋىت قازاقستاندا ەكەۋ-اق. سەرەبريانكا قالاسىنداعى ءوندىرىس وشاعى, مىنە جۇمىسىن باس­تادى. ساۋىردە العاشقى ماشينامىز دايىن بولادى, – دەيدى جوبالاۋشى ينجەنەر ابىلايحان تولەۋوۆ.

«Su Bereke» ماركالى جاڭبىرلا­تىپ سۋارۋ قۇرىلعىلارىنىڭ ساپاسى دا الداعى ماۋسىمدا بەلگىلى بولا­دى. دەگەن­مەن قۇراستىرۋشىلار سۇ­رانىستىڭ جوعارى بولارىنا سەنىم­دى. سەبەبى بۇعان دەيىن مۇنداي ماشي­نا­لارعا شارۋالار تەك وڭ پىكىر بىل­دىر­گەن. بىلتىر ۇلان اۋدانىندا بۇل قۇرىلعىلار ورناتىلىپ, ءونىمنىڭ مول تۇ­سۋىنە سەپتەسكەن. سۇرانىس بولسا, جوبا­لاۋشى ماماندار ماشينانى شەتەلگە دە شىعارۋعا مۇمكىندىك بارىن ايتتى. بىراق اۋەلگى ماقسات – ەڭ الدىمەن شىعىس قازاقستاننىڭ ەگىستىك القاپتارىن قامتىپ الۋ.

جاسالىپ جاتقان ماشينالار ەگىس­تىك القاپتارعا جەتكىزىلگەن سوڭ, زاۋىتقا قايتا ات باسىن بۇرامىز. شارۋالار­دىڭ پىكىرىن تىڭداپ, جاڭبىرلاتىپ سۋارۋدىڭ تيىمدىلىگىن كورەمىز. ازىرشە زاۋىت جۇمىسى قارقىن الۋىن تىلەدىك.

شىعىس قازاقستان وبلىسى,

التاي اۋدانى