الماتى وبلىسىندا تالعار قالاسىندا ەر ادامدى ءولتىرۋ جانە ەكى جاسار قىزدى ۇرلاۋ وقيعاسىنا بايلانىستى ارەكەتسىزدىك تانىتتى دەپ ايىپتالعان ۋچاسكەلىك ينسپەكتورعا سوت ۇكىمى شىقتى. بۇل تۋرالى جابىرلەنۋشى تاراپتىڭ ادۆوكاتتارى جاندوس پالمانوۆ پەن اسىلبەك ءابدرايموۆ مالىمدەدى, دەپ حابارلايدى Egemen.kz.
سوت شەشىمىمەن ۋچاسكەلىك ينسپەكتور 2 جىل 4 اي مەرزىمگە باس بوستاندىعىنان ايىرىلىپ, سوت زالىندا قاماۋعا الىندى. سونىمەن قاتار, ول لەيتەنانت اتاعىنان ايىرىلدى.
جابىرلەنۋشىلەر مورالدىق شىعىن رەتىندە 5 ميلليون تەڭگە كولەمىندە وتەماقى تالاپ ەتكەن. سوت بۇل تالاپتى ءىشىنارا قاناعاتتاندىرىپ, 3 ميلليون تەڭگە ءوندىرۋ تۋرالى شەشىم قابىلدادى.
ايتا كەتەيىك, 2025 جىلعى 6 قىركۇيەكتە الماتى وبلىسى تالعار اۋدانىنا قاراستى قىزىلقايرات اۋىلىندا ەر ادامدى ءولتىرۋ جانە بالانى ۇرلاۋ وقيعاسى تىركەلدى. تەرگەۋ مالىمەتىنشە, كۇدىكتى جەرگىلىكتى تۇرعىندى زورلاپ, ءبىر اي بويى بوپسالاپ كەلگەن. كەيىن ول ايەلدىڭ اعاسىن ءولتىرىپ, ەكى جاسار قىزىن ۇرلاپ كەتكەن.
قاشۋ بارىسىندا كۇدىكتى بالامەن بىرگە كولىكپەن جاردان قۇلاعان. قىز بالا جاراقات الىپ, وعان وتا جاسالعان.
نەگىزگى ايىپتالۋشى 25 جىلعا باس بوستاندىعىنان ايىرىلدى. ال كىسى ءولتىرۋ مەن ۇرلاۋعا قاتىسقان ەكى ءجاسوسپىرىمنىڭ ارقايسىسى 9 جىلدان تۇرمەگە كەسىلدى.
كوكشەتاۋدا 136 ملن تەڭگە جيناعان قارجى پيراميداسىنىڭ ۇيىمداستىرۋشىلارىنا ۇكىم شىقتى
ايتا كەتەيىك, قايعىلى وقيعادان ءبىر اي بۇرىن جابىرلەنۋشى زورلاۋ فاكتىسى بويىنشا ارىز جازعان, الايدا پوليتسيا ءتيىستى شارا قولدانباعان. ءتىپتى كۇدىكتى قاماۋدان بوساتىلعان. وسىعان بايلانىستى الماتى وبلىسىنىڭ پروكۋراتۋراسى پوليتسيا قىزمەتكەرلەرىنىڭ ارەكەتسىزدىگى فاكتىسى بويىنشا قىلمىستىق ءىس قوزعاعان.
جۇمىس كابينەتىنەن 15 مىڭ دوللار تابىلعان: پەتروپاۆلدا ەكس-سۋديالارعا قاتىستى ۇكىم شىقتى