ەلوردادا قورشاعان ورتانى قورعاۋ جانە تابيعاتتى پايدالانۋ باسقارماسى دەراتيزاتسيالىق ءىس-شارالاردىڭ كوكتەمگى كەزەڭىن باستادى. وڭدەۋ جۇمىسى جەكە سەكتور مەن اشىق اۋماقتاردى – ساياباقتاردى, وزەن اۋماعىن, سۋ ايدىندارىن, كانالداردى, زيراتتاردى قامتيدى, دەپ حابارلايدى Egemen.kz.
قالا اكىمدىگىنىڭ مالىمەتىنشە, جابىق اۋماقتارداعى دەراتيزاتسيا 15 ناۋرىزدا باستالىپ, 15 ساۋىرگە دەيىن جالعاسادى, ال اشىق اۋماقتاردا 15 ساۋىردەن 15 مامىرعا دەيىن جۇرگىزىلەدى.
جەكە سەكتور تۇرعىندارىنا ارنايى ۋلانعان جەمدەر تەگىن تاراتىلىپ, سول جەردە قاۋىپسىزدىك تەحنيكاسى بويىنشا نۇسقاۋلىق جۇرگىزىلەدى.
دەراتيزاتسيا ءۇش كەزەڭ بويىنشا وتەدى, ياعني دەزينفەكتسيا ماماندارى ءاربىر تۇرعىن الاپتى ءۇش رەت ارالاپ شىعادى. جالپى 28 مىڭنان استام تۇرعىن ءۇيدى وڭدەۋ جوسپارلانىپ وتىر.
ءۇي يەلەرىنە ساقتىق شارالارىن قاتاڭ ساقتاپ, ۋلانعان جەمدەردى بالالاردىڭ قولى جەتپەيتىن جەرلەرگە, مىسالى, جەرتولەلەرگە نەمەسە شاتىرلارعا قويۋ ۇسىنىلادى.
سونداي-اق دەراتيزاتسيا اشىق اۋماقتاردا دا جۇرگىزىلەدى. ۋلانعان جەمدەر ساياباقتاردا, وزەن اۋماعىندا, كانال بويىندا, سۋ ايدىندارىنىڭ ماڭىندا جانە زيراتتاردا ورنالاستىرىلادى.
استانادا LRT پويىزدارى سىناقتان ءساتتى ءوتتى
دەراتيزاتسيا قازاقستان رەسپۋبليكاسىنىڭ اۋماعىندا قولدانۋعا رۇقسات ەتىلگەن ءداندى ۋلانعان جەمدەر ارقىلى جۇرگىزىلەدى.
بۇل شارالار كەمىرگىشتەر سانىن ازايتۋعا جانە اسا قاۋىپتى جۇقپالى اۋرۋلاردىڭ تارالۋىنىڭ الدىن الۋعا باعىتتالعان.
«تازا قازاقستان»: استانادا 483 جۇك كولىگىنىڭ جۇرگىزۋشىسىنە ايىپپۇل سالىندى