الماتىدا بولعان جاپپاي جانجالدان كەيىن پوليتسيا وقيعاعا قاتىستى ءۇش قىلمىستىق ءىس قوزعادى. بۇل تۋرالى ءماجىلىس كۋلۋارىندا ىشكى ىستەر ءمينيسترىنىڭ ورىنباسارى سانجار ءادىلوۆ مالىمدەدى, دەپ حابارلايدى Egemen.kz.
وقيعا كومپيۋتەر كلۋبىنىڭ ماڭىندا بولعان. شامامەن ونعا جۋىق ادامنىڭ قاتىسۋىمەن باستالعان جانجال كەيىن توبەلەسكە ۇلاسىپ, سوڭى پىشاق قولدانۋعا دەيىن جەتكەن. ناتيجەسىندە ەكى ءجاسوسپىرىم اۋىر جاراقات الىپ, كوز جۇمعان.
جانتۇرشىگەرلىك وقيعا: جىتىقارادا ءجاسوسپىرىم اناسىن قۇتقارامىن دەپ قازا تاپتى
پوليتسيا كۇدىكتىلەردى دەرەۋ ۇستاپ, ۋاقىتشا ۇستاۋ يزولياتورىنا قامادى. وقيعادان كەيىن بارلىعى 12 ادام ۇستالعانى بەلگىلى بولدى.
استانادا شامامەن 40 ادام ءجاسوسپىرىمدى اياۋسىز سوققىعا جىققان
مارقۇمداردىڭ ءبىرىنىڭ تۋىستارى بۇعان دەيىن جاسوسپىرىمگە اقشا بوپسالاۋ فاكتىلەرى بولعانىن ايتقان.
«وقيعا بويىنشا بۇزاقىلىق جانە قاساقانا كىسى ءولتىرۋ باپتارىمەن ءۇش قىلمىستىق ءىس قوزعالدى. كۇدىكتىلەر سوت شەشىمىمەن قاماۋعا الىندى. تەرگەۋ امالدارى جۇرگىزىلىپ جاتىر, بارلىق ءمان-جايعا قۇقىقتىق باعا بەرىلەدى», دەدى سانجار ءادىلوۆ.
قازىرگى ۋاقىتتا جانجالدىڭ ناقتى سەبەبى مەن باستالۋ جاعدايلارى انىقتالىپ جاتىر.
اقمولا وبلىسىندا 18 جاستاعى ءجاسوسپىرىمدى بۇرىنعى سىنىپتاسى پىشاقتاپ كەتتى