كۋبالىق كاسىپقوي بوكسشى, اۋەسقويلار اراسىندا ەكى دۇركىن الەم چەمپيونى اتانعان يوەنليس ەرناندەس ورتا سالماقتاعى الەم چەمپيوندارىمەن جەكپە-جەك وتكىزۋگە دايىن ەكەنىن مالىمدەدى, دەپ جازادى Egemen.kz.
جەڭىلىستىڭ ءدامىن تاتپاعان بوكسشى (كاسىپقوي رينگتە 9 جەكپە-جەك وتكىزىپ, بارلىعىندا جەڭىسكە جەتكەن) بۇل تۋرالى Fight Hype YouTube-ارناسىنا بەرگەن سۇحباتىندا ايتتى.
ەرناندەس الداعى كەزدەسۋلەردە قارسىلاس رەتىندە بىرنەشە چەمپيوندى اتاپ ءوتتى. ونىڭ ايتۋىنشا, ول WBA تۇجىرىمى بويىنشا الەم چەمپيونى, وتانداسى ەريسلاندي لارامەن, WBC چەمپيونى دومينيكاندىق كارلوس ادامەسپەن نەمەسە WBO چەمپيونى قازاقستاندىق جانىبەك الىمحان ۇلىمەن جەكپە-جەك وتكىزگىسى كەلەدى. سونىمەن قاتار, IBF بەلبەۋىنىڭ جاڭا يەسى انىقتالعان سوڭ, ونىمەن دە كۇش سىناسۋعا دايىن ەكەنىن جەتكىزدى.
ء«بىز كەز كەلگەن چەمپيونمەن, سونىڭ ىشىندە جانىبەك الىمحان ۇلىمەن دە جەكپە-جەك وتكىزۋگە دايىنبىز. ەگەر مۇمكىندىك بەرىلسە, شىعۋعا ءازىرمىز», دەدى كۋبالىق بوكسشى.
ەسكە سالا كەتەيىك, جانىبەك ءالىمحان ۇلى 2026 جىلدىڭ جەلتوقسانىنا دەيىن رينگتەن شەتتەتىلگەن. سونداي-اق ول IBF نۇسقاسى بويىنشا الەم چەمپيونى اتاعىنان ايىرىلدى. بۇعان 2025 جىلدىڭ قاراشا ايىندا الىنعان دوپينگ سىناماسىنان تىيىم سالىنعان مەلدوني زاتىنىڭ تابىلۋى سەبەپ بولعان.
دوپينگ داۋى: جانىبەك ءالىمحان ۇلى ءبىر جىلعا جارىستاردان شەتتەتىلدى