موراتوري اياقتالدى: ەندى – ناقتى تاريف ساياساتى

تالقىلاۋ بارىسىندا جىلۋمەن, ەلەكترمەن, سۋمەن جابدىقتاۋ جانە سۋ بۇرۋ, سونداي-اق گازبەن قامتاماسىز ەتۋ سالالارىنداعى تاريفتىك رەتتەۋ نەگىزگى باعىتتارى قارالدى. ۇكىمەت قابىلداعان شارالار كەشەنى ازاماتتاردىڭ تابىسىن قورعاۋعا جانە ينفلياتسيانى 10%-دان تومەن دەڭگەيدە ۇستاۋعا باعىتتالعانى اتاپ ءوتىلدى.

ناۋرىز ايىنىڭ سوڭىنا دەيىن كوممۋنالدىق تاريفتەردى كوتەرۋگە موراتوري حالىققا تۇسەتىن قارجىلىق جۇكتەمەنىڭ ءوسۋىن بولدىرماۋعا جانە ءۇي شارۋاشىلىقتارىنىڭ تۇراقتىلىعىن ساقتاۋعا مۇمكىندىك بەردى. دوڭگەلەك ۇستەل قورىتىندىسى بويىنشا موراتوري اياقتالعاننان كەيىن تاريفتىك ساياسات كەزەڭ-كەزەڭىمەن جانە تەڭگەرىمدى تۇردە جۇزەگە اسادى, بۇل حالىققا تۇسەتىن جۇكتەمەنى مينيمالدى دەڭگەيدە ساقتاۋعا مۇمكىندىك بەرەدى.

كوممۋنالدىق ينفراقۇرىلىمدى جاڭعىرتۋعا ەرەكشە نازار اۋدارىلدى. ينۆەستيتسيالىق جوبالار بەكىتىلگەن كەستەگە سايكەس تولىق كولەمدە جالعاسىپ جاتىر, بۇل جەلىلەردىڭ توزۋىن تومەندەتۋگە جانە قىزمەت كورسەتۋ سەنىمدىلىگىن ارتتىرۋعا باعىتتالعان. مەملەكەتتىك تاريفتىك ساياساتتىڭ باستى قاعيداتى – تۇتىنۋشىلار مەن تابيعي مونوپوليا سۋبەكتىلەرىنىڭ مۇددەسىن تەڭگەرىمدى قورعاۋ.

مەملەكەتتىك تاپسىرىسقا موراتوري: جەكەمەنشىك مەكتەپتەردىڭ قارجىلاندىرىلۋى تۇبەگەيلى وزگەرەدى

قابىلدانعان شارالاردىڭ جيىنتىق اسەرى 2026 جىلى ينفلياتسيالىق ۇدەرىستەرگە باقىلاۋداعى جانە ەكونوميكا مەن ازاماتتاردىڭ تابىستارى ءۇشىن قاۋىپسىز دەڭگەيدە ىقپال ەتۋگە مۇمكىندىك بەرەدى. سونىمەن قاتار الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ شارالارى قارالدى: ەلەكتر ەنەرگياسى باعاسىنىڭ جانە تەمىرجول تاسىمالدارى تاريفتەرىنىڭ ءوسۋى تەجەۋ ارقىلى ءونىمنىڭ وزىندىك قۇنى تومەندەتىلەدى.

الەۋمەتتىك تۇرعىدان وسال ازاماتتار ءۇشىن تۇرعىن ءۇي كومەگى مەحانيزمى ارقىلى قوسىمشا قولداۋ كورسەتىلەدى, بۇل كوممۋنالدىق قىزمەتتەرگە جۇمسالاتىن شىعىنداردى وتەۋگە باعىتتالعان.

وتەمدىك تاريف: قاراعاندىدا كوممۋنالدىق قىزمەت باعاسى 2027 جىلعا دەيىن تومەندەتىلدى

دوڭگەلەك ۇستەل قورىتىندىسى بويىنشا تاريفتىك ساياساتتى جەتىلدىرۋدىڭ نەگىزگى باعىتتارى انىقتالدى, ولار – كوممۋنالدىق قىزمەتتەردىڭ قولجەتىمدىلىگىن ساقتاۋ, ينفراقۇرىلىمنىڭ ساپاسى مەن سەنىمدىلىگىن ارتتىرۋ جانە حالىق مۇددەسىن قورعاۋ.

وسىلايشا, موراتوري اياقتالىپ, ناقتى جانە تەڭگەرىمدى تاريف ساياساتى كەزەڭى باستالدى, بۇل جۇيەنىڭ ۇزاق مەرزىمدى تۇراقتىلىعى مەن الەۋمەتتىك ادىلدىكتى قامتاماسىز ەتۋگە باعىتتالعان.

ەلوردادا تاريف باعاسىن نەگىزسىز كوتەرگەن كاسىپورىن 54 ملن تەڭگە ايىپپۇل تولەدى