الماتى. 5 مامىر. تبيليسيدە 89 جاسقا قاراعان شاعىندا كسرو حالىق ءارتىسى, گرۋزيانىڭ اتاقتى كينورەجيسسەرى رەزو چحەيدزە قايتىس بولدى. بۇل تۋرالى تاسس حابارلادى.
داڭقتى رەجيسسەر كۋتايسي قالاسىندا 1926 جىلى تۋعان. رۋستاۆەلي اتىنداعى تەاتر ينستيتۋتىن بىتىرگەن. 1953 جىلى بۇكىلوداقتىق كينو-ينستيتۋتىنىڭ رەجيسسەرلىك فاكۋلتەتىن ءبىتىرىپ, ۇزاق جىل «گرۋزيا-فيلم» كينوستۋدياسىندا تەر توكتى.
رەزو چحەيدزە كوپتەگەن فيلم تۇسىرگەن كاسىبي مامان. سولاردىڭ ىشىندە كورەرمەندەر ءۇشىن «سولداتتىڭ اكەسى» ءفيلمىنىڭ شوقتىعى بيىك. ەكىنشى دۇنيەجۇزىلىك سوعىس تۋرالى كلاسسيكالىق تۋىندى جاساعان شەبەر جەڭىستىڭ 70 جىلدىعىنا 5 كۇن قالعاندا قايتىس بولدى.
تالعات ءسۇيىنباي.
دەرەك: تاسس.
سۋرەت: 7info.ru.