ۇلتتىق بانكتىڭ ساراپشىلارى اراسىندا جۇرگىزگەن ماكروەكونوميكالىق ساۋالناماسىنىڭ ناتيجەلەرى قازاقستان ەكونوميكاسىنا قاتىستى بىرقاتار ماڭىزدى بولجامداردى ۇسىندى. ساراپشىلار ەكونوميكالىق ءوسىمنىڭ باياۋلاۋى جانە ينفلياتسيانىڭ جوعارىلاۋى مۇمكىن ەكەندىگىنە الاڭداۋلى, دەپ حابارلايدى Egemen.kz.
مۇناي باعاسى جانە ەكونوميكا ءوسۋى
2025 جانە 2026 جىلدار ءۇشىن Brent ماركالى مۇناي باعاسىنىڭ بولجامى 1 باررەل ءۇشىن 75 دوللار جانە 72 دوللار دەڭگەيىندە ساقتالۋدا. 2027 جىلعا ارنالعان باعالاۋ ءسال جوعارىلاپ, 72,5 دوللاردى قۇراۋى مۇمكىن.
قازاقستان ەكونوميكاسىنىڭ وسىمىنە قاتىستى بولجامدار تومەندەگەن. 2025 جىلعا ارنالعان ءوسىم بولجامى 4,9%-دان 4,7%-عا, 2027 جىلعا بولجام 4,5%-دان 4,3%-عا دەيىن تومەندەدى. 2026 جىلى ءوسىم 4,5% دەڭگەيىندە ساقتالىپ تۇر.
ينفلياتسيا مەن بازالىق مولشەرلەمە
ينفلياتسيا بويىنشا بولجامدار بارلىق بولجامدىق كەزەڭدە ناشارلادى. 2025 جىلعا ارنالعان مەديانالىق ينفلياتسيا بولجامى 8,7%-دان 10,6%-عا دەيىن كوتەرىلدى. 2026 جىلعا ينفلياتسيا 9%-عا دەيىن ءوسۋى مۇمكىن, ال 2027 جىلعا قاتىستى بولجام 6,1%-دى قۇرايدى.
ينفلياتسيانىڭ جوعارى دەڭگەيدە بولۋىنا بايلانىستى ساراپشىلار بازالىق مولشەرلەمە دە جوعارى بولادى دەيدى. 2025 جىلدىڭ سوڭىنا ارنالعان بازالىق مولشەرلەمەنىڭ مەديانالىق بولجامى 15,9%, 2026 جىلى 14,3%, ال 2027 جىلى 11,5% بولىپ وتىر.