قازاقستان جانە قىرعىزستان شەكاراسىندا 16 ناۋرىزدا باستالعان «توسقاۋىل – 2025» بىرلەسكەن وپەراتسياسى 12 ساۋىرگە دەيىن جالعاسادى. وپەراتسيا ۇقك شەكارا قىزمەتى الماتى وبلىسى بويىنشا دەپارتامەنتىنىڭ رايىمبەك, قاراساي اۋداندارى بويىنشا شەكارا باسقارمالارىنىڭ اۋماعىن قامتيدى, دەپ جازادى Egemen.kz.
قازاقستان جانە قىرعىزستان شەكارالىق ۆەدومستۆولارى اراسىنداعى كەلىسىم نەگىزىندە ءوتىپ جاتقان وپەراتسيانىڭ ناتيجەسىندە ۇستالعاندار از ەمەس.
سونداي وقيعالاردىڭ ءبىرى, 2 ءساۋىر كۇنى ساعات 17:00 شاماسىندا رايىمبەك اۋدانى بويىنشا شەكارا باسقارماسىنىڭ قر تۇڭعىش پرەزيدەنتى اتىنداعى شەكارا بولىمشەسىنىڭ ۋچاسكەسىندە بولعان.
ەرىكتى جاساقشى ن.تلەۋبەرديەۆ شەكارانىڭ بويىندا بەلگىسىز ادامنىڭ جۇرگەنىن بايقاپ, بۇل تۋرالى بىردەن شەكارا بولىمشەسىنە حابار بەرگەن. كوپ ۇزاماي, اعا لەيتەنانت ە.ساۋىرباەۆ باستاعان «دابىل» توبى مەملەكەتتىك شەكارادان بىرنەشە شاقىرىم جەردەن قازاقستان ازاماتى ۇستالعان.
ايەل ادامنىڭ ايتۋىنشا, ول تاۋ ىشىندە مال ىزدەپ جۇرگەن. نارىنقول اۋىلىنىڭ تۇرعىنى, جەكە باسىن كۋالاندىراتىن قۇجاتىن ۇيىندە ۇمىت قالدىرعانىن ايتقان. الايدا مۇنداي ءۋاج شەكارا رەجيمىن بۇزۋشىلاردى جاۋاپكەرشىلىكتەن بوساتپايدى. سوندىقتان, شەكاراشىلار قولعا تۇسىرگەن ازامات اكىمشىلىك جاۋاپكەرشىلىككە تارتىلىپ, 5 اەك كولەمىندە ايىپپۇل ارقالادى.
تامارا داۋلەتباەۆا,
ۇقك شەكارا قىزمەتىنىڭ زاپاستاعى پودپولكوۆنيگى.