عاني بەيسەمباەۆ «جايلى مەكتەپ» ۇلتتىق جوباسى اياسىندا سالىنعان مەكتەپتەردىڭ ديرەكتورلارى جانە پەداگوگتەرىمەن جۇمىس كەزدەسۋلەرىن وتكىزدى, دەپ حابارلايدى Egemen.kz.
ۇجىمداردىڭ الدىنا ءبىلىم بەرۋ ساپاسىن ارتتىرۋ جانە زاماناۋي ءبىلىم بەرۋ ورتاسىن دامىتۋ بويىنشا مىندەتتەر قويىلدى.
مينيستر اتاپ وتكەندەي, جايلى مەكتەپ — بۇل ءبىلىم بەرۋ ستاندارتتارىن تەڭەستىرۋدەگى جانە مەكتەپتەگى ءبىلىم بەرۋ مودەلىن جۇيەلى تۇردە وزگەرتۋدەگى ماڭىزدى قادام. ۇلتتىق جوبا ءاربىر بالاعا تۇرعىلىقتى جەرىنە قاراماستان زاماناۋي تالاپتارعا ساي, ساپالى ءبىلىم الۋعا مۇمكىندىگىن قامتاماسىز ەتۋگە باعىتتالعان.
«جايلى مەكتەپتەر ۇزدىك پەداگوگيكالىق تاجىريبەلەر مەن يننوۆاتسيالىق شەشىمدەردى تاراتاتىن تىرەك ءبىلىم بەرۋ ۇيىمدارىنا اينالۋى ءتيىس. بۇل باعىتتا قاۋىپسىز ورتا قۇرۋعا, ءبىلىم بەرۋدىڭ تۇراقتى ساپاسىن قامتاماسىز ەتۋگە قابىلەتتى باسقارۋ كورپۋسى مەن كادرلىق الەۋەتتى قالىپتاستىرۋعا ەرەكشە نازار اۋدارىلادى. وسىنداي مەكتەپتەر جەلىسى ارقىلى ءبىز ەلىمىزدە ءبىلىم بەرۋ ساپاسىن كەزەڭ-كەزەڭىمەن ارتتىرۋ جۇيەسىن قالىپتاستىرىپ جاتىرمىز», دەدى مينيستر.
پەداگوگتەر ءوز كەزەگىندە وقۋ پروتسەسىن ودان ءارى جەتىلدىرۋ بويىنشا تاجىريبەلەرىمەن جانە ۇسىنىستارىمەن ءبولىستى. ادىستەمەلىك قولداۋ, مۇعالىمدەردىڭ كاسىبي دامۋى جانە اتا-انالاردى وقۋ-تاربيە پروتسەسىنە تارتۋ ماسەلەلەرى كەڭىنەن تالقىلاندى.
سونداي-اق ۇستازدارعا ارنالعان سەمينار ۇيىمداستىرىلىپ, وندا جايلى مەكتەپتەر تۇجىرىمداماسى, باعالاۋ جانە مونيتورينگ جۇيەسىنىڭ تەتىكتەرى, كادر رەسۋرستارىن باسقارۋ تاسىلدەرى, ءبىلىم بەرۋ پروتسەسىن تسيفرلاندىرۋ قۇرالدارى ۇسىنىلدى.