استانا قالاسى ەسىل اۋدانى اكىمدىگى حالىقتى جۇمىسپەن قامتۋ جانە ەڭبەك نارىعىنداعى مۇمكىندىكتەردى كەڭەيتۋ ماقساتىندا ەڭبەك موبيلدىگى ورتالىعى جانە باسقا دا سەرىكتەستەرمەن بىرلەسىپ, بوس جۇمىس ورىندار جارمەڭكەسىن ۇيىمداستىرادى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ءىس-شارا 2025 جىلعى 4 ءساۋىر كۇنى ساعات 15:00-دە «Abu Dhabi Plaza» بيزنەس-ورتالىعىندا (سىعاناق كوشەسى, 60/5) وتەدى.
جارمەڭكە جۇمىس ىزدەۋشىلەر مەن جۇمىس بەرۋشىلەردى ءبىر الاڭدا توعىستىرىپ, وزەكتى بوس ورىندار تۋرالى اقپارات الماسۋعا مۇمكىندىك بەرەدى.
قاتىسۋشىلار ءتۇرلى سالالار بويىنشا تىكەلەي جۇمىس بەرۋشىلەرمەن سۇحباتتاسىپ, ەڭبەك نارىعىنداعى سوڭعى ۇردىستەرمەن تانىسا الادى.