روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىندا مادەنيەت جانە اقپارات مينيسترلىگىنىڭ قولداۋىمەن حالىق قاھارمانى, كورنەكتى كومپوزيتور, كۇيشى, ديريجەر نۇرعيسا تىلەنديەۆتىڭ 100 جىلدىق مەرەيتويىنا ارنالعان «القيسسا-نۇرعيسا» اتتى مەرەيتويلىق كونتسەرتتىڭ سالتاناتتى اشىلۋى ءوتتى, دەپ حابارلايدى Egemen.kz.
بۇل كونتسەرت كومپوزيتوردىڭ 100 جىلدىعىنا ارنالعان مەرەكەلىك ءىس-شارالار باعدارلاماسىنىڭ باستاماسى بولدى.
كەشتە ۇلى تۇلعانىڭ قۇرمەتىنە مەملەكەت باسشىسىنىڭ اتىنان گۇل شوقتارى تابىس ەتىلدى.
ءىس-شاراعا مادەنيەت جانە اقپارات ءمينيسترى ايدا بالاەۆا, بەلگىلى مۋزىكانتتار, قازاقستاننىڭ ەڭبەك سىڭىرگەن قايراتكەرلەرى, حالىقارالىق بايقاۋلاردىڭ لاۋرەاتتارى, سونداي-اق ەلىمىزدەگى ونەر ۇجىمدارى قاتىستى.
ولاردىڭ قاتارىندا جامبىل اتىنداعى قازاق مەملەكەتتىك اكادەميالىق فيلارمونياسىنىڭ نۇرعيسا تىلەنديەۆ اتىنداعى اكادەميالىق فولكلورلى-ەتنوگرافيالىق «وتىرار سازى» وركەسترى, ەركەعالي راحماديەۆ اتىنداعى اكادەميالىق فيلارمونياسىنىڭ سيمفونيالىق وركەسترى, ب. بايقاداموۆ اتىنداعى مەملەكەتتىك حور كاپەللاسى جانە تانىمال انشىلەر مەن ونەرپازدار بار.
كونتسەرتتىك باعدارلاما بويىنشا كورەرمەنگە نۇرعيسا تىلەنديەۆتىڭ قازاق مۋزىكاسىنىڭ التىن قورىنا ەنگەن شىعارمالارى ۇسىنىلدى.
جىل بويى قازاقستاننىڭ بارلىق وڭىرىندە 100-گە جۋىق ءىس-شارا وتەدى. اتاپ ايتساق, كورمەلەر, كونتسەرتتەر, بايقاۋلار مەن فەستيۆالدەر ۇيىمداستىرۋ جوسپارلانعان.
قازاق مۋزىكاسىنىڭ دارا تۇلعاسىنىڭ مەرەيتويى تەك ەلىمىزدە عانا ەمەس, يۋنەسكو جانە تۇركسوي سياقتى بەدەلدى ۇيىمداردىڭ قولداۋىمەن حالىقارالىق دەڭگەيدە دە اتالىپ وتەدى.
مەرەيتويلىق باعدارلامانىڭ باستى ءىس-شاراسى– قازاقستاننىڭ مادەنيەت كۇندەرى اياسىندا فرانتسياداعى يۋنەسكو شتاب-پاتەرىندە وتەتىن نۇرعيسا تىلەنديەۆتىڭ 100 جىلدىعىنا ارنالعان سالتاناتتى كونتسەرت. سونداي-اق اقش-تا, ايگىلى كارنەگي-حوللدا, كونتسەرت پەن كورمە ۇيىمداستىرىلسا, بەيجىڭدە «قۇستار قايتىپ بارادى» كونتسەرتى وتەدى.