Kazakhstan Security Systems – قازاقستان مەن ورتالىق ازياداعى قاۋىپسىزدىكتى قامدايتىن نەگىزگى ىسكەرلىك الاڭ. 11 جىل بويى كورمە سالا ماماندارىن, الەمدىك قاۋىپسىزدىك قۇرالدارىن وندىرۋشىلەردى, تاپسىرىس بەرۋشىلەردى, مەملەكەتتىك سەكتور وكىلدەرىن جانە بەيىندى بيزنەس-قاۋىمداستىقتاردى كەزدەستىرۋ ءۇشىن ىسكەرلىك پلاتفورما ۇسىنادى.ء ىس-شارا «EXPO» حكو-دا 1-3 ءساۋىر ارالىعىندا وتەدى, دەپ حابارلايدى Egemen.kz.
«قازاقستان ينجينيرينگ» ۇك» اق «تىنىس» اق, «R&D» جشس, «قازاقستان اسەلسان ينجينيرينگ» جشس-مەن بىرلەسىپ, وسى كورمەگە ەكسپونەنتتەر رەتىندە قاتىسىپ, شىعارىلاتىن ونىمدەردى ۇسىناتىن بولادى. ولارعا بايلانىس قۇرالدارى, جەكە قورعانىس قۇرالدارى, ۇشقىشسىز ۇشۋ اپپاراتتارى جانە باسقالارى كىرەدى.
كورمەگە قۇقىق قورعاۋ ورگاندارى مەن كۇش قۇرىلىمدارىن جاراقتاندىرۋعا ارنالعان تەحنيكانى, ارنايى قۇرالدار مەن جابدىقتاردى, وبەكتىلەردى ينجەنەرلىك-تەحنيكالىق جاراقتاندىرۋ جۇيەلەرى مەن قۇرالدارىن, ونىڭ ىشىندە بەينەباقىلاۋ, قولجەتىمدىلىكتى باقىلاۋ جانە باسقارۋ, سيگنالداۋ, حابارلاۋ جانە بايلانىس, ءورتتى انىقتاۋ جانە ءسوندىرۋ جۇيەلەرى, سونداي-اق اۆاريالىق-قۇتقارۋ جابدىقتارى مەن تەحنيكاسىن ۇسىناتىن كومپانيالار قاتىسادى.
كيبەر قاۋىپسىزدىك سالاسىنداعى وزىق شەشىمدەر مەن ونىمدەر كورمە ەكسپوزيتسياسىنىڭ ماڭىزدى سەگمەنتىن الاتىن بولادى. كورمە تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ, سونداي-اق توتەنشە جاعدايلار مينيسترلىگىنىڭ قولداۋىمەن وتەدى.