«Beeline قازاقستان» كومپانياسىنىڭ ۇزاق مەرزىمدى «شەكسىز مۇمكىندىكتەر» رەسپۋبليكالىق قايىرىمدىلىق جوباسىنىڭ ارقاسىندا ەلىمىز بويىنشا الەۋمەتتىك مەكەمەلەردە ەرەكشە ءبىلىم الۋدى قاجەت ەتەتىن مۇمكىندىگى شەكتەۋلى بالالار 50 مبيت/سەك جىلدامدىقتاعى تەگىن ينتەرنەتكە قول جەتكىزەتىن بولدى. بيىلعى جىلعى جوبانىڭ العاشقى قاتىسۋشىسى – «كەڭەس» كەشەندى ساۋىقتىرۋ ورتالىعى.
قۇرىلعانىنا 23 جىل تولىپ وتىرعان «كەڭەس» كەشەندى ساۋىقتىرۋ ورتالىعىندا بۇگىندە قوزعالۋ, سويلەۋ, ويلاۋ قابىلەتىنىڭ اقاۋلارى مەن پسيحيكالىق بۇزىلىستارى بار بالالار تۋىلعان ساتىنەن باستاپ 18 جاسقا تولعانشا وقىپ, ءبىلىم الادى. ساۋىقتىرۋ ورتالىعى اۋىر اۋىتقۋشىلىقتارى بار بالالاردى قولداۋمەن, الەۋمەتتىك بەيىمدەۋمەن, الەۋمەتتەندىرۋمەن, ىقپالداندىرۋمەن اينالىسادى, سونداي-اق, ەرەكشە ءبىلىم الۋ مۇقتاجدىقتارى بار بالالاردى قاراپايىم بالالار ورتاسىنا قوسۋمەن اينالىسادى. Cونىمەن بىرگە, اتالمىش ورتالىق بۇكىل رەسپۋبليكا بويىنشا وسىنداي دامۋىندا ءارتۇرلى اقاۋلارى بار بالالارعا ارنالعان اۆتورلىق ادىستەمەلەر ۇلگىسىن ازىرلەپ, تاراتادى.
– ءبىزدىڭ ورتالىقتىڭ نەگىزگى مىندەتى – وسىنداي ەرەكشە بالالار ءۇشىن قوعامدا قولايلى كليمات جاساۋ. ءبىزدىڭ قىزمەتكەرلەر 23 جىل بويى ءوز تاربيەلەنۋشىلەرىن ساۋىقتىرۋدا ءوز ۇلەستەرىن قوسىپ, كەشەندى جوبالار دايىنداپ كەلەدى. مىنە, وسى قىزمەتتى اتقارۋدا ينتەرنەتتىڭ مۇمكىندىگى مول. ونىمەن قوسا, وزىمىزگە قاجەتتى ماڭىزدى اقپاراتتاردى جيناپ, پايدالانۋعا, سونداي-اق, تاربيەلەنۋشىلەردىڭ الداعى ۋاقىتتا جۇمىسقا تۇرىپ كەتۋى ءۇشىن كومپيۋتەر ۇيرەتىپ, ينتەرنەت-ساۋاتتارىن اشۋىنا دا ۇلكەن كومەك بولماق. ءبىز Beeline كومپانياسىنا جاڭا مۇمكىنشىلىكتەر ۇسىنعانى ءۇشىن العىسىمىزدى بىلدىرەمىز, – دەدى ورتالىقتىڭ باس ديرەكتورى مايرا سۇلەەۆا.
اتالمىش جوباعا كەلسەك, Beeline Business برەندىنىڭ الەۋمەتتىك باستاماسى 2014 جىلى ىسكە قوسىلعان. نارىقتىڭ كورپوراتيۆتىك سەگمەنتىندەگى بىرەگەي برەند ءموبيلدى جانە تياناقتالعان قىزمەتتەر كورسەتەدى, ونىڭ باعدارلاماسى بويىنشا پاۆلودار, الماتى, شىمكەنت جانە پەتروپاۆل قالالارىنداعى الەۋمەتتىك مەكەمەلەر جىلدامدىقتى ينتەرنەتكە قوسىلعان. وسى ۋاقىتقا دەيىن ءبىر جارىم مىڭعا جۋىق بالا جىلدامدىقتى ينتەرنەتكە قول جەتكىزسە, ولاردىڭ اراسىندا كورۋ جانە ەستۋ قابىلەتى بۇزىلعان, تىرەك-قوزعالىس اپپاراتىنىڭ سىرقاتىنا شالدىققان بالالار دا بار. 2015 جىلدىڭ سوڭىنا دەيىن رەسپۋبليكا بويىنشا 12 مەكەمەنى قوسۋ جوسپارلانۋدا. بارلىق مەكەمەلەر كومپانيانىڭ كورپوراتيۆتىك ۆولونتەرلىك باعدارلاماسى شەڭبەرىندە Beeline قامقورلىعىنداعى نىسان مارتەبەسىنە يە بولادى.
– ءبىزدىڭ الەۋمەتتىك جوبامىز – جۇمىسقا ورنالاسۋدا ءوز قۇقىقتارى بارىسىندا تۋىندايتىن قيىندىقتاردى جويۋعا باعىتتالعان, – دەپ ءتۇسىندىردى 2Day Telecom (TM Beeline Business) جشس-ءنىڭ باس ديرەكتورى تۇڭعىشبەك باتتالحانوۆ. – ايتا كەتەرلىك جايت, وتكەن اپتادا قازاقستاندا «ءمۇگەدەكتەردىڭ قۇقىقتارى جونىندەگى كونۆەنتسيانى بەكىتۋ تۋرالى» زاڭ جوباسى قابىلداندى. بۇل – ەلىمىزدىڭ جاساعان ۇلكەن قادامى, ويتكەنى, زاڭنىڭ قابىلدانۋى ءمۇمكىندىگى شەكتەۋلى ادامدارعا باسقا ازاماتتارمەن قاتار بىلىمگە, ەڭبەككە, اقپاراتقا ءجانە بايلانىسقا قول جەتكىزۋىنە مۇمكىندىك بەرەدى.
2Day Telecom جشس كومپانياسى «ۇيدەگى ينتەرنەت» جانە Beeline Business ساۋدا ماركالارىمەن قر اۋماعىنداعى جەتەكشى تياناقتالعان بايلانىس وپەراتورلارىنىڭ ءبىرى بولىپ تابىلادى. 2014 جىلدىڭ ءۇشىنشى توقسانىنىڭ قورىتىندىسى بويىنشا, Beeline قىزمەتتەرىن 9,8 ميلليون كليەنت پايدالانىپ, 2DayTelecom جشس-ءنىڭ «ۇيدەگى ينتەرنەت» قىزمەتىنە 300 مىڭنان استام ابونەنت قوسىلعان.
گۇلزەينەپ سادىرقىزى,
«ەگەمەن قازاقستان».