گرەكيانىڭ كوستا-ناۆارينو قالاسىندا وتكەن حالىقارالىق وليمپيادالىق كوميتەتىنىڭ (حوك) 144-ءشى سەسسياسىندا 2028 جىلى لوس-اندجەلەستە وتەتىن وليمپيادا ويىندارىنىڭ باعدارلاماسىنا بوكستى قوسۋ تۋرالى شەشىم قابىلداندى. بۇل تۋرالى قازاقستان بوكس فەدەراتسياسى حابارلادى, دەپ جازادى Egemen.kz.
بوكس 2022 جىلدىڭ اقپانىندا 2028 جىلعى وليمپيادا ويىندارىنىڭ جارىس باعدارلاماسىنان شىعارىلعان ەدى.بۇل شەشىم حالىقارالىق بوكس قاۋىمداستىعى (IBA) توڭىرەگىندە تۋىنداعان ماسەلەلەرگە بايلانىستى قابىلدانعان. 2023 جىلدىڭ ماۋسىمىندا حوك IBA-نىڭ رەسمي مويىنداۋىن تولىقتاي قايتارىپ العاننان كەيىن, بوكستىڭ وليمپياداداعى بولاشاعى بەلگىسىز بولىپ تۇرعان.2024 جىلعى پاريج وليمپياداسىندا بوكس جارىستارى حوك-ءنىڭ ارنايى جۇمىس توبىنىڭ قاداعالاۋىمەن ءوتتى, بۇل سپورتتىڭ وليمپيادالىق قوزعالىس ءۇشىن ماڭىزىن تاعى ءبىر مارتە دالەلدەدى.وليمپيادالىق بوكستىڭ جاڭا دامۋ كەزەڭىندە باسقارۋ 2023 جىلى قۇرىلعان World Boxing حالىقارالىق بوكس فەدەراتسياسىنا جۇكتەلدى. قازىرگى تاڭدا بۇل ۇيىمعا 84 ۇلتتىق فەدەراتسيا مۇشە. جۋىردا World Boxing حوك-تەن ۋاقىتشا مويىنداۋ الىپ, الەمدىك دەڭگەيدە بوكستى دامىتۋ قۇقىعىنا يە بولدى.