تۇركىستاندا «تۇركىستان – تۇركى الەمىنىڭ رۋحاني استاناسى» اتتى رەسپۋبليكالىق تۋريستىك فورۋمى ءوتتى. فورۋمعا ورتالىق ازيا ەلدەرىنىڭ تۋريزم سالاسىنداعى بيزنەس وكىلدەرى مەن قولونەرشىلەرى قاتىستى.
اتالعان فورۋم قالانىڭ ءمان-ماڭىزىن تاعى ءبىر مارتە ايشىقتاپ, تۇركى ەلدەرىنىڭ تۋريستىك الەۋەتىن دامىتۋعا باعىتتالعان. بۇل ءىس-شارا مادەني, تاريحي بايلانىستاردى نىعايتىپ قانا قويماي, ۇلى بابالار جولىن جاڭعىرتۋعا دا سەپتىگىن تيگىزەدى.
فورۋم اياسىندا قازاقتىڭ ۇلتتىق ونەرى دارىپتەلىپ, قولونەر شەبەرلەرىنىڭ تۋىندىلارى, ۇلتتىق تاعامدار, ەرەكشە ەتنو-فەستيۆالدەر فورۋمنىڭ اجارىن اشا تۇسپەك. تۇركىستاننىڭ بۇل كۇندەرى ءبىر عانا قالا ەمەس, تۇتاس تۇركى جۇرتىنىڭ باسىن قوساتىن رۋحاني مەرەكەگە اينالاتىنى انىق.
تۇركى الەمىنىڭ ءتۇپ تامىرىنان سىر شەرتەتىن بۇل باسقوسۋ – تەك قانا تۋريستىك ەمەس, مادەني جانە رۋحاني ساباقتاستىقتىڭ ايعاعى. وتكەنىن قادىرلەگەن ەلدىڭ بولاشاعى جارقىن بولماق. تۇركىستانعا كەلگەن جان اتا-بابا اماناتىنا ءبىر تابان جاقىنداي تۇسەرى ءسوزسىز.