پەتروپاۆل. 10 اقپان. پەتروپاۆل قالاسىندا قورشاعان ورتا مەن ادام اعزاسىنا زياندى تۇرمىستىق قالدىق زاتتاردى جيناۋ, وڭدەۋ ماسەلەسى وتكىر كۇيىندە قالىپ وتىر. بۇل تۋرالى وبلىستىق كاسىپكەرلەر پالاتاسىنىڭ ءباسپاسوز قىزمەتى حابارلادى.
كوپ جىلدان بەرى ايتىلىپ كەلە جاتسا دا, شەشىمىن تاپپاي وتىرعان تۇيتكىلدى جايت كاسىپكەرلەر پالاتاسىنىڭ تالقىلاۋىنا شىعارىلىپ, تابيعات رەسۋرستارى جانە تابيعات بايلىقتارىن رەتتەۋ باسقارماسى باسشىسىنىڭ ورىنباسارى ەرلان ابۋعاليەۆتىڭ ەسەبى تىڭدالدى. ونىڭ ايتۋىنشا, وبلىس اۋماعىندا 583 تۇرمىستىق قالدىق زاتتارىن ساقتايتىن ورىن بار. الايدا, بۇلاردىڭ 10-ى عانا بارلىق تالاپتارعا جاۋاپ بەرە الادى. قالعاندارى جەر ۋچاسكەلەرىنە ۋاقىتشا ورنالاستىرىلعان. ءبىر گەكتار جەر تەلىمىن راسىمدەۋ 312 مىڭ تەڭگەنى قۇرايدى. ال قۇرىلىس جوبالارىن جاساۋ, ساراپتامادان وتكىزۋ, رۇقسات الۋ سەكىلدى مىندەتتى شارالارعا جۇمسالاتىن شىعىنداردى ەسەپتەسە, كەمى 3,5 ميلليون تەڭگەدەن اينالادى. سول سەبەپتى تۇرمىستىق قالدىقتاردى وڭدەۋ جۇمىسىمەن اينالىسۋعا كاسىپكەرلەر تاۋەكەل ەتە بەرمەيدى.
جيىندا بوس جاتقان جەر ۋچاسكەلەرىن تەگىن بەرۋ, ۇكىمەت تاراپىنان قارجىلاندىرۋ جايلى ۇسىنىستار ايتىلدى.
ءومىر ەسقالي.
دەرەك: سولتۇستىك قازاقستان وبلىستىق كاسىپكەرلەر پالاتاسىنىڭ ءباسپاسوز قىزمەتى.
سۋرەت: altaynews.kz.