بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە وقۋ-اعارتۋ ۆيتسە-ءمينيسترى ەدىل وسپان مالىمدەدى, دەپ جازادى Egemen.kz.
«دوسبولLiKe» انتيبۋللينگتىك باعدارلاماسى 2025 جىلدىڭ 1 قىركۇيەگىنەن باستاپ ىسكە اسىرىلادى. بۇل باستاما قازاقستاننىڭ بارلىق مەكتەبى مەن كوللەدجىندە بالالاردىڭ ەموتسيونالدىق ءال-اۋقاتىن قولداۋعا باعىتتالادى.
قازىر «دوسبولLiKe» انتيبۋللينگتىك باعدارلاماسى ەلىمىزدىڭ 9 وڭىرىندە پيلوتتىق رەجيمدە سىنالىپ جاتىر. وعان 70 مىڭعا جۋىق وقۋشى مەن 5 مىڭنان استام پەداگوگ قاتىسۋدا.
«بۇل باستاما وقۋشىلاردىڭ داۋ-جانجالدارعا كونسترۋكتيۆتى تۇردە جاۋاپ بەرۋ داعدىلارىن قالىپتاستىرۋعا, الەۋمەتتىك-ەموتسيونالدىق قابىلەتتەرىن دامىتۋعا, تۇلعاارالىق جانە توپارالىق قارىم-قاتىناستاردى وڭتايلاندىرۋعا, سونداي-اق بالالاردىڭ جالپى پسيحولوگيالىق ءال-اۋقاتىن ارتتىرۋعا باعىتتالعان. ءاربىر بالانىڭ ءوزىن قاۋىپسىز سەزىنەتىن جانە تولىققاندى داميتىن ورتادا ءبىلىم الۋىنا جاعداي جاساۋ – اسا ماڭىزدى قادام», دەدى قر وقۋ-اعارتۋ ۆيتسە-ءمينيسترى ەدىل وسپان.
بۇگىندە پيلوتتىق جوبا اياسىندا بۋللينگتىڭ الدىن الۋ, قاقتىعىس وقيعالارىنىڭ سەبەبى مەن فاكتورلارىن انىقتاۋ, سونداي-اق ولاردى شەشۋ جولدارىن ءتۇسىندىرۋدى كوزدەيتىن كۋرستار مەن پراكتيكالىق شارالار ءجيى ۇيىمداستىرىلادى.
مينيسترلىك وكىلى باعدارلامانىڭ ماقسات-مىندەتىن اتا-انالارعا دا ءتۇسىندىرۋ جوسپارلانىپ وتىرعانىن اتاپ ءوتتى.