2024 جىلى حالىقتى جۇمىسپەن قامتۋعا جاردەمدەسۋ شارالارىنىڭ ءبىرى – «جاستار پراكتيكاسىن» جۇزەگە اسىرۋ اياسىندا 33,3 مىڭ ادام جۇمىسقا ورنالاستىرىلعان, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاۋىنشا, العان كاسىبى (ماماندىعى) بويىنشا باستاپقى جۇمىس تاجىريبەسىن الۋ ماقساتىندا ءبىلىم بەرۋ ۇيىمدارىنىڭ 35 جاستان اسپاعان جۇمىسسىز تۇلەكتەرى جاستار پراكتيكاسىنا قاتىسا الادى. باعدارلاماعا قاتىسۋ ءۇشىن ازاماتتار جەرگىلىكتى مانساپ ورتالىقتارىنا ءوتىنىش بەرۋى قاجەت.
«جۇمىس بەرۋشى جاستار پراكتيكاسىنا قاتىسۋشىلارعا كاسىبي ءبىلىم مەن جۇمىس تاجىريبەسىن بەرۋ ءۇشىن تالىمگەردى بەكىتەدى. جاستار پراكتيكاسىن قارجىلاندىرۋدى ەڭبەك موبيلدىلىگى ورتالىعى «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى اي سايىنعى جالاقى تولەۋ ارقىلى جۇزەگە اسىرادى. تولەم ەكىنشى دەڭگەيدەگى بانكتەردە اشىلعان قاتىسۋشىلاردىڭ اعىمداعى (كارتوچكالىق) شوتتارىنا اقشا قاراجاتىن اۋدارۋ جولىمەن جۇمىس بەرۋشى ۇسىنعان مالىمەتتەر نەگىزىندە جۇرگىزىلەدى», دەلىنگەن حابارلامادا.
ايتا كەتەيىك, رەسپۋبليكا بويىنشا ورتاشا جالاقى مولشەرى 109,5 مىڭ تەڭگەنى, اقتوبە وبلىسىندا ەڭ جوعارى كورسەتكىش – 120,9 مىڭ تەڭگەنى قۇراعان.
جۇمىسقا ورنالاسقاندار سانى بويىنشا وڭىرلەر اراسىندا كوش باستاپ تۇرعاندار:
تۇركىستان وبلىسى – 8,6 مىڭ ادام; قىزىلوردا وبلىسى – 3,2 مىڭ ادام; جامبىل وبلىسى – 2,6 مىڭ ادام; شىمكەنت قالاسى – 2,4 مىڭ ادامجاستار پراكتيكاسىنا قاتىساتىن ايەلدەردىڭ ۇلەسى 64,8% نەمەسە 21,6 مىڭ ادامدى, اۋىل تۇرعىندارىنىڭ ۇلەسى – 19,3 مىڭ ادامدى نەمەسە 57,9%-دى قۇراعان.
جۇمىسقا ورنالاستىرىلعاندار اراسىندا ەڭ كوپ سۇرانىسقا يە ماماندىقتار: مەيىرگەر – 2 216 ادام, باستاۋىش سىنىپ مۇعالىمى – 1 498 ادام, زاڭگەر – 1 481 ادام, دەنە شىنىقتىرۋ مۇعالىمى – 1 323 ادام, فەلدشەر – 1 277 ادام.