1 ناۋرىزداعى جاعداي بويىنشا مەملەكەتتىك ەڭبەك ينسپەكتورلارى رەسپۋبليكانىڭ 19 كاسىپورنى 1,2 مىڭنان استام جۇمىسكەرگە 328,9 ملن تەڭگەگە جالاقى بويىنشا بەرەشەك ەكەنىن انىقتاعان, دەپ حابارلايدى Egemen.kz.
جالاقى بويىنشا بەرەشەگى جانە ەڭبەك قۇقىعىنىڭ بۇزىلۋى انىقتالعان كاسىپورىنداردىڭ باسشىلارىنا ورىنداۋعا مىندەتتى 579 ۇيعارىم بەرىلىپ, 69,5 ملن تەڭگەدەن استام سوماعا ايىپپۇل سالىنعان, 900 جۇمىسكەردىڭ قۇقىقتارى قورعالىپ, ولارعا 135,8 ملن تەڭگە تولەنىپ بەرىلگەن.
ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە 1 ناۋرىزداعى دەرەكتەر بويىنشا مەملەكەتتىك ەڭبەك ينسپەكتورلارى 896 تەكسەرۋ جۇرگىزىپ, ونىڭ بارىسىندا 995 بۇزۋشىلىق انىقتالعان, ونىڭ ىشىندە: ەڭبەك سالاسىندا – 904; ەڭبەك قاۋىپسىزدىگى جانە ەڭبەكتى قورعاۋ بويىنشا – 85; حالىقتى جۇمىسپەن قامتۋ بويىنشا – 6.
قابىلدانعان شارالاردىڭ ناتيجەسىندە 6,3 مىڭ جۇمىسكەردىڭ ەڭبەك قۇقىعى قورعالعان.