بۇگىن ۇكىمەتتە پرەمەر-ءمينيستردىڭ ءبىرىنشى ورىنباسارى رومان سكليار مەن استانا قالاسىنىڭ اكىمى جەڭىس قاسىمبەك China Gezhouba Group (قحر) باسقارما توراعاسى ليۋ حۋايليانمەن كەزدەستى, دەپ جازادى Egemen.kz.
تاراپتار ق.ي. ساتباەۆ اتىنداعى كانالدان استانا قالاسىنا دەيىن سۋ قۇبىرىن سالۋ جوباسىن تالقىلادى.
ۇزىندىعى شامامەن 200 كم سۋ قۇبىرىنان باسقا, تاۋلىگىنە 342 مىڭ تەكشە مەتر ءۇش سۋ قۇبىرى سورعى ستانساسى جانە ونىمدىلىگى تاۋلىگىنە 210 مىڭ تەكشە مەتردى قۇرايتىن №4 سورعى-سۇزگى ستانساسىن بىرلەسە سالۋ جوسپارلانىپ وتىر. ليۋ حۋايليان قۇرىلىس-مونتاج جۇمىستارى بيىلعى ءساۋىر ايىندا باستالاتىنىن مالىمدەدى.
كەزدەسۋ بارىسىندا رومان سكليار ينفراقۇرىلىمدىق جوبانىڭ تۇرعىنداردى تازا سۋمەن ۇزدىكسىز قامتاماسىز ەتۋدەگى الەۋمەتتىك ماڭىزدىلىعىن ايماقتى دامىتۋ, تۇرمىس ساپاسىن جاقسارتۋ جانە تۇراقتى ەكونوميكالىق وسۋگە نەگىز بولاتىنىن اتاپ ءوتتى.
كەزدەسۋ سوڭىندا تاراپتار جوبانى ىسكە اسىرۋ جانە ىنتىماقتاستىقتى ودان ءارى نىعايتۋ بويىنشا بەلسەندى جۇمىستى جالعاستىرۋعا كەلىستى.