توتەنشە جاعدايلار مينيسترلىگىنىڭ انىقتاۋ باسقارماسىنىڭ ۇيلەستىرۋىمەن استانا قالاسىنىڭ توتەنشە جاعدايلار دەپارتامەنتى 2024 جىلعى ماۋسىمدا بولعان جاتاقحاناداعى ءورت فاكتىسى بويىنشا سوتقا دەيىنگى تەرگەۋدى اياقتادى, دەپ حابارلايدى Egemen.kz.
ەسكە سالايىق, 2024 جىلعى ماۋسىمدا استاناداعى جاتاقحانادا ءورت شىعىپ, سالدارىنان ءۇش ادام, ونىڭ ىشىندە ءبىر كامەلەتكە تولماعان بالا قايتىس بولدى.
تەرگەۋ قر قىلمىستىق كودەكسىنىڭ 292 – بابى 3-بولىگى: ەكى جانە ودان دا كوپ ادامنىڭ ابايسىزدا ولىمىنە اكەپ سوققان ءورت قاۋىپسىزدىگى تالاپتارىن بۇزۋ بويىنشا جۇرگىزىلدى.
توتەنشە جاعدايلار مينيسترلىگىنىڭ ءباسپاسوز قزىمەتىنىڭ مالىمدەۋىنشە جاتاقحانا يەسى شارتتار مەن قاجەتتى قۇجاتتاردى راسىمدەمەي بولمەلەردى زاڭسىز تاپسىرعانى انىقتالعان. ءورت قاۋىپسىزدىگى تالاپتارى تۋرالى تۇسىندىرمە جۇرگىزەتىن قىزمەتكەرلەردى ەلەمەي, ولاردىڭ تالاپتارىنا قۇلاق اسپاعان, عيماراتتا ورتتەن قورعاۋ قۇرالدارى بولماعان.
سوت تالقىلاۋى بارىسىندا سوتتالۋشىنىڭ كىناسى كۋاگەرلەردىڭ ايعاقتارىمەن, ساراپشىلاردىڭ قورىتىندىلارىمەن جانە قىلمىستىق ءىستىڭ باسقا ماتەريالدارىمەن دالەلدەندى.
استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ شەشىمىمەن ول كىنالى دەپ تانىلىپ, 5 جىلعا باس بوستاندىعىنان ايىرىلدى.
ۇكىم زاڭدى كۇشىنە ەنگەن جوق.