ەلباسى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىلارى ەكىجاقتى ىنتىماقتاستىقتىڭ, سونداي-اق ەۋرازيالىق ەكونوميكالىق وداق اياسىنداعى ءوزارا ءىس-قيمىلدىڭ اعىمداعى ماسەلەلەرىن تالقىلادى.
ۆلاديمير پۋتين ءوزىنىڭ گەرمانيا جانە فرانتسيا كوشباسشىلارىمەن 6 اقپاندا ماسكەۋدە وتكەن كەلىسسوزدەرىنىڭ قورىتىندىلارى, سونىمەن قاتار, «نورماند فورماتىندا» 8 اقپاندا تەلەفون ارقىلى وتكىزگەن كەلىسسوزدەرى جونىندە ايتتى.
نۇرسۇلتان نازارباەۆ مينسكىدە 11 اقپاندا وتكىزۋ جوسپارلانعان ءتورتجاقتى كەلىسسوزدەر ۋكراينا قاقتىعىسىن رەتتەۋ جولدارىن ءىزدەستىرۋ ىسىندە مامىلەگە كەلۋگە ءمۇمكىندىك بەرەتىنىنە سەنىم ءبىلدىردى.
بۇدان بولەك, رەسەي ەكونوميكاسىنداعى ۋاقىتشا قيىندىقتارعا بايلانىستى مەملەكەت باسشىلارى ءوزارا ساۋدانىڭ اعىمداعى ماسەلەلەرىن تالقىلادى. ەكى ەل ۇكىمەتتەرىنە ءوزارا ءتيىمدى شەشىمدەر ءازىرلەۋ جونىندە تاپسىرما بەرىلدى.