ماڭعىستاۋ وبلىسىندا ءبىلىم بەرۋ ساپاسىنىڭ زاڭدىلىعىنا جۇرگىزىلگەن تالداۋ ناتيجەسىندە پەداگوگتاردىڭ كاسىپتىك دايارلىقتان ءوتۋ كۋالىكتەرىنىڭ جالعاندىعى انىقتالعان, دەپ حابارلايدى Egemen.kz.
ماسەلەن ءبىر پەداگوگ 2024 جىلى ناۋرىز ايىندا SDU University ۋنيۆەرسيتەتىنىڭ (الماتى قالاسى) «لوگوپەد-دەفەكتولوگ» بىلىكتىلىگى بويىنشا قايتا دايارلاۋ كۋرسىنان وتكەنى تۋرالى جالعان كۋالىگىن پايدالانۋ ارقىلى, مەكتەپتە «پەداگوگ-پسيحولوگ» لاۋازىمىندا جۇمىس جاساعان. وسىعان ۇقساس دەرەكتەر, ورتا ءبىلىم بەرۋ ۇيىمدارىنداعى 6 پەداگوگتەن انىقتالعان.
وبلىستىڭ پروكۋراتۋراسىنىڭ حابارلاماسىندا: «اتالعان ارەكەتتەر ءۇشىن, سوت ۇكىمىمەن 7 پەداگوگ قر-نىڭ قىلمىستىق كودەكسىنىڭ 385-بابى 3-بولىگىمەن كىنالى دەپ تانىلىپ, ولارعا ايىپپۇل جازاسى تاعايىندالدى», دەلىنگەن.