كسرو تولقۇجاتىمەن ءالى قوشتاسپاعان...

پاۆلوداردا كسرو تول­قۇجا­تىمەن جۇرگەندەر ءالى دە بارشىلىق. وڭىرلىك پوليتسيا دەپارتامەنتى كوشى-قون قىزمەتىنىڭ باسقار­ماسى ازاماتتىق جانە يممي­گرا­تسيا­لىق توبىنىڭ ەرەكشە تاپسىرمالار جونىندەگى اعا ينس­پەكتورى, پوليتسيا مايورى الميرا حايرۋلينانىڭ ايتۋىن­شا, الگىندەي ازامات­تاردىڭ كوبى وبلىس ورتا­لى­عىن­دا تۇ­رادى.

– قۇجاتى جوق نەمەسە جارام­دىلىق مەرزىمى ءوتىپ كەتكەن تۇلعالاردىڭ كوبى بۇل – 1974 جىلعى كسرو تول­قۇجا­تىمەن جۇرگەندەر نەمەسە كەزىندە قۇجاتىن جوعال­تىپ الىپ, قالپىنا كەلتىر­مەگەندەر. زاڭدىق تۇرعىدان العاندا ولار قازاقستان ازاماتى ەكەنىن دالەلدەي الۋى كەرەك, بولماعان جاعدايدا ازاماتتىعى جوق تۇلعا دەپ ەسەپتەلەدى. ادامدار كوپ جاعدايدا شالعاي اۋىلداردا تۇرىپ, قۇجاتىن جاڭارتۋعا ءمان بەرمەيدى. ەندى ءبىرى تۇزەۋ مەكە­مەلەرىندە جازاسىن ۇزاق جىلدار وتەپ شىققان سوڭ ەسكى قۇجاتىن اۋىستىرماي جۇرە بەرەدى. نەگىزگى سەبەپ – ازاماتتاردىڭ قۇجات ماسەلەسىنە سالاق قاراپ, ۋاقى­تىندا رەسىمدەۋگە نيەت تانىتپاۋى, – دەپ ءتۇسىندىردى بۇل جاعدايدىڭ سەبەبىن الميرا ابدىكارىمقىزى.

كوشى-قون قىزمەتىنىڭ ماماندارى قۇجاتسىز جۇر­گەن­دەردى انىقتاۋعا باعىت­تال­عان ءىس-شارالاردى تۇراقتى جۇرگىزىپ كەلەدى. وتكەن جىلى اتقارىلعان جۇيەلى جۇمىس 80-نەن اسا ادام جەكە باس كۋالىگىنسىز جۇرگەنىن انىقتاپ بەردى. ولاردىڭ 41-ءى وسىدان جارتى عاسىر بۇرىن العان كسرو تولقۇجاتىمەن ءومىر ءسۇرىپ كەلگەن. ناتيجەسىندە, 74 ادام قازاقستان ازاماتى دەپ تانىلىپ, ءتيىستى قۇجات­پەن قامتاماسىز ەتىلگەن. تاعى 7 ادامنىڭ ازاماتتىعى دا­لەل­دەن­بەگەنى سەبەپتى ولارعا ­ازا­مات­تىعى جوق تۇلعا كۋا­لىگى بەرىلگەن.

– «ادام قۇقىقتارى جانە زاڭدىلىقتىڭ ساقتالۋى جو­نىن­دەگى قازاقستان حالىق­ارالىق بيۋروسى» مەن وزگە دە ۇكىمەتتىك ەمەس ۇيىمدارمەن بۇل باعىتتا تۇراقتى بايلانىستامىز. جىل باسىنان بەرى تاعى 6 ازامات انىقتالىپ, كازىرگى تاڭدا قۇجاتتار ءتى­زىلىمى جيناقتالىپ جاتىر. تەكسەرىس ماتەريالدارى تو­لىققاندى بولعاننان كەيىن زاڭناماعا سايكەس شەشىم قابىلدانىپ, قۇجاتتانۋ ما­سە­لەسى شەشىلەدى. قالادا الەۋ­مەت­تەندىرۋ ورتا­لىق­تا­رى شوعىر­لان­عان­دىقتان, مۇنداي ازاماتتار پاۆلودار قالاسىندا كوپ كەزدەسەدى, – جەيدى ا.حايرۋلينا.

پاۆلودار وبلىسى