2025 جىلعى 16 قاڭتاردان باستاپ تۇرعىن ءۇي سەرتيفيكاتتارىنا ءوتىنىم قابىلداۋ باستالدى. اقپان ايىنىڭ قورىتىندىسى بويىنشا جالپى سوماسى 47,9 ميلليون تەڭگەنىڭ تۇرعىن ءۇي سەرتيفيكاتتارى تابىستالعان, دەپ حابارلايدى Egemen.kz.
ايتا كەتەيىك, تۇرعىن ءۇي سەرتيفيكاتى الەۋمەتتىك كومەك رەتىندە قارىز سوماسىنىڭ 10%-ى, بىراق 1 000 000 ء(بىر ميلليون) تەڭگەدەن اسپايتىن مولشەردە قايتارىمسىز نەگىزدە بەرىلەدى.
تەگىن تۇرعىن ءۇي سەرتيفيكاتتارىنىڭ يەلەرىنىڭ قاتارىندا مۇمكىندىگى شەكتەۋلى جاندار, كوپ بالالى وتباسىلار, ەرەكشە قاجەتتىلىكتەرى بار بالالاردى تاربيەلەپ وتىرعان اتا-انالار, تولىق ەمەس وتباسىلار, جەتىم بالالار جانە بيۋدجەتتىك ۇيىمداردىڭ قىزمەتكەرلەرى بار.
تۇرعىن ءۇي سەرتيفيكاتتارىنا يە بولعان ازاماتتاردىڭ ساناتتارى:
I جانە II توپتاعى مۇگەدەكتىگى بار ادامدار – 10; مۇگەدەكتىگى بار بالانى تاربيەلەپ وتىرعان وتباسىلار – 9; جەتىم جانە اتا-اناسىنىڭ قامقورلىعىنسىز قالعان بالالار – 5; كوپبالالى وتباسىلار – 16; تولىق ەمەس وتباسىلار – 8; بيۋدجەتتىك مەكەمە قىزمەتكەرلەرى – 3سونىمەن قاتار بيىل 500,0 ميلليون تەڭگەگە قايتارىمسىز نەگىزدە تۇرعىن ءۇي سەرتيفيكاتتارىن بەرۋ جوسپارلانعان. جىل باسىنان بەرى 103 ازاماتقا تۇرعىن ءۇي سەرتيفيكاتى بەرىلگەن.